សៀមរាប: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅថ្ងៃទី០៧ ខែកក្កដា ឆ្នាំ២០២០ វេលាម៉ោង០៦និង៣០នាទីនាទីព្រឹក មានករណីព្រះសង្ឃ០១ព្រះអង្គសុគត ដោយចងក ។ ព្រះអង្គរងគ្រោះព្រះនាម នួន សុវណ្ណនឿន ព្រះជន្មាយុ ៦៦ព្រះវស្សា បួសនៅវត្តពុទ្ធមណ្ឌលវិបស្សធុរ: មកគង់នៅបណ្តោះអាសន្នរយ:ពេល០៧ថ្ងៃ នៅវត្តចន្ទបុប្ផារាម ហៅវត្តថ្មី ស្ថិតនៅភូមិតារាម ឃុំជីក្រែង ស្រុកជីក្រែង ខេត្តសៀមរាប ។

លោកវរសេនីយ៍ឯក សុខ សុទ្ធាវុធ អធិការនៃអធិការដ្ឋាននគរបាលស្រុកជីក្រែងបានឲ្យដឹងថា ព្រះអង្គមានបញ្ហាផ្លូវចិត្ត និងមានរោគប្រចាំកាយ ហើយបានចងកដោយខ្សែនីឡុង ពណ៌ស ភ្ជាប់ទៅនឹងចម្រឹងបង្អួច ក្នុងហោត្រៃយ៍ បន្ទប់លោកសឹងប្រចាំថ្ងៃ ហើយយោងតាមរបាយការណ៍ប៉ុស្តិ៍នគរបាលរដ្ឋបាលជីក្រែង និងការចុះពិនិត្យវិភាគទីកន្លែងកើតហេតុ សន្និដ្ឋានពីជំនាញ ពុំមានស្លាកស្នាមកត់សម្គាល់ ដែលបង្កឡើងដោយករណីព្រហ្មទណ្ឌឡើយ ៕