កណ្តាលៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កម្លាំងអធិការដ្ឋាននគរបាលស្រុកកៀនស្វាយបានចុះស្រាវជ្រាវស្វែងចាប់ខ្លួន បុរសម្នាក់ ពាក់ព័ន្ធករណីបង្កហិង្សាដោយចេតនា ប្រប្រឹត្តនៅថ្ងៃទី០៧ ខែកក្កដា ឆ្នាំ២០២០ វេលាម៉ោង២២.៣០នាទី ចំណុច ភូមិស្តៅកន្លែង៣ ឃុំដីឥដ្ឋស្រុកកៀនស្វាយ ខេត្តកណ្តាល ។
សមត្ថកិច្ចបានឲ្យដឹងថា ជនរងគ្រោះឈ្មោះ ភោក ស្រីស្រស់ ភេទស្រី អាយុ២១ឆ្នាំជនជាតិខ្មែរ ទីលំនៅភូមិកណ្តាលលើឃយំបន្ទាយដែក ស្រុកកៀនស្វាយ ខេត្តកណ្តាលមុខរបរ កសិករ (រងរបួសជាំហើមលើបបូមាត់ ពកលើថ្ងាស ០១កន្លែង ពកលើក្បាល០២កន្លែង ស្នាមជាំត្រង់ស្មាខាងស្តាំជាច្រើនកន្លែង)។
ចំណែកជនសង្ស័យឈ្មោះ កែ ឈឿន ហៅវ៉ា ភេទប្រុស អាយុ៤៦ឆ្នាំជនជាតិខ្មែរ ទីលំនៅ
ភូមិស្តៅកន្លែង៣ឃុំដីឥដ្ឋស្រុកកៀនស្វាយ ខេត្តកណ្តាល មុខរបរបុគ្គលិកកំពង់ផែស្វយ័តភ្នំពេញ (កំពុងរត់គេចខ្លួន) ។
វត្ថុតាងចាប់យក៖១-កាំបិតចិតបន្លែ០១ ផ្លែដែកដងឈើ មានប្រវែង០.៣១ម៉ែត្រ។
២-ប្រដាប់វៃមូស០១ ពណ៌ស បែកជាបំនែកតូចៗ ។
បច្ចុប្បន កម្លាំងជំនាញយុត្តិធម៌កំពង់សហការ ជាមួយកម្លាំងប៉ុស្តិ៍ ស្រាវជ្រាវស្វែងរកជនសង្ស័យដើម្បីអនុវត្តនីតិវិធី ៕
មតិយោបល់