កណ្តាល: កាលពីវេលាម៉ោង១០ និង៤០នាទីយប់ថ្ងៃទី១០ ខែកក្កដា ឆ្នាំ២០២០ ត្រង់ចំណុចភូមិស្វាយជ្រំ ឃុំស្វាយជ្រំ ស្រុកខ្សាច់កណ្តាល ខេត្តកណ្ដាល មានករណីហិង្សាមួយ បង្កការភ្ញាក់ផ្អើល ដោយបុរសម្នាក់ បានដកកាំភ្លើងខ្លី វាយបុរសម្នាក់ទៀត បណ្តាលឲ្យរងរបួសបែកក្បាល។

ជនរងគ្រោះឈ្មោះ លាង សុធី ភេទប្រុស អាយុ២៦ឆ្នាំ ជនជាតិខ្មែរ មុខរបរ យោធាកងកិត្តិយសត្រែទ័ព មានទីលំនៅភូមិ/ឃុំស្វាយជ្រំ ស្រុកខ្សាច់កណ្តាល ខេត្តកណ្ដាល រងរបួសបែកក្បាលហូរឈាម។ ចំណែកជនសង្ស័យឈ្មោះ ជា សង្ហា ភេទប្រុស អាយុ ៣១ឆ្នាំ ជនជាតិខ្មែរ មុខរបរមន្ត្រីអាវុធហត្ថខណ្ឌដូនពេញ នៃកង រាជអាវុធហត្ថរាជធានីភ្នំពេញ មានទីលំនៅភូមិស្នាពីមុខ ឃុំព្រែកខ្ពប ស្រុកឯកភ្នំ ខេត្តបាត់ដំបង (ឃាត់ខ្លួន)។

វត្ថុតាងដកហូតបាន៖ មានអាវុធខ្លី ម៉ាកK54 ចំនួន០១ដើម លេខ55006467 បង់១,គ្រាប់ចំនួន៨គ្រាប់។

មូលហេតុ​៖ ដោយសាររឿងភ្លើងចាំងចូលភ្នែក ធ្វើឲ្យមន្ត្រីអាវុហត្ថខណ្ឌដូនពេញខឹង ដកកាំភ្លើងខ្លីពីចង្កេះ វាយមន្ត្រីយោធា។

ក្រោយកើតហេតុ ជនសង្ស័យ និងវត្ថុតាង ត្រូវបានសមត្ថកិច្ច បញ្ជូនមកអធិការដ្ឋាននគរបាល ស្រុកខ្សាច់កណ្ដាល ដើម្បីកសាងសំណុំរឿង ចាត់ការទៅតាមផ្លូវច្បាប់៕