ផ្ទះ ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យម្នាក់ ករណីប្រើអំពើហិង្សាក្នុងគ្រួសារ និងវាយសមត្ថកិច្ចឲ្យរងរបួសបែកក្បាលម្នាក់ ពេលចុះអន្តរាគមន៍

0

​កណ្ដាល: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នគរបាល​ក្រុង​តាខ្មៅ ធ្វើការ​ឃាត់ខ្លួន​ជនសង្ស័យ​មុខសញ្ញា​ប្រើប្រាស់​គ្រឿងញៀន​ម្នាក់ ​ករណី​ធ្វើ​ឲ្យ​ខូចខាត​ដោយ​ចេតនា និង​ហិ​ង្សា​ដោយ​ចេតនា យកមក​អធិការដ្ឋាន​នគរបាល​ក្រុង ​ដើម្បី​កសាង​សំណុំរឿង​ចាត់ការ​តាមច្បាប់ ។ ករណីនេះ បានកើត​ឡើង​នៅ​ថ្ងៃទី​១២​ខែកក្កដា ​ឆ្នាំ​២០២០ ម៉ោង​០០​និង​៣០​នាទី ស្ថិតក្នុង​ភូមិ​តា​ក្តុល សង្កាត់​តា​ក្តុល ក្រុង​តាខ្មៅ ខេត្តកណ្តាល ។

​មន្ត្រីនគរបាល​ក្រុង​តាខ្មៅ​បាន​ឲ្យ​ដឹងថា ជនរងគ្រោះ​២​នាក់ទី​១-​ឈ្មោះ ព្រំ សុធី​ ​ភេទ​ស្រី អាយុ​៤៨​ឆ្នាំ​ ​មាន​ទីលំនៅ​ភូមិ​សង្កាត់​កើតហេតុ​ មុខរបរ​លក់​កូនឈើ ​(​ត្រូវជា​ម្តាយ​ជនសង្ស័យ​) ទី​២-​ឈ្មោះ​ ​ផន​លី​កូ ភេទ​ប្រុស អាយុ​២៧​ឆ្នាំ មាន​ទីលំនៅ​ភូមិ​ព្រែ​កឡុង សង្កាត់​តា​ក្តុល ក្រុង​តាខ្មៅ ខេត្តកណ្តាល មុខរបរ​នាយប៉ុស្តិ៍​ស្តីទី (​រងរបួស​ក្បាល​ដេ​៣​ថ្នេរ​) ​។ ចំណែក​ជនសង្ស័យ​ឈ្មោះ ថន ស​ម្ប​តិ្ត ភេទ​ប្រុស អាយុ​ជាង​២៧​ឆ្នាំ នៅ​ភូមិ​សង្កាត់​កើតហេតុ ត្រូវជា​កូន​ស្ត្រី​រង​គ្រោះជា​ម្ចាស់ផ្ទះ ។​

ដោយឡែក​សម្ភារ:​ខូចខាត​៖ ​ផ្ទះ​១​ខ្នង​ធ្វើ​ពី​ឈើ​លើ​​ថ្ម​ក្រោម​​ទំហំ​៥​គុណ​និង​៩​ម៉ែត្រ​, ឆេះ​ម៉ូតូ​២​គ្រឿង​, មាន​៥​ជី​, លុយ​ដុល្លារ​២០០០​ដុល្លារ​, លុយ​ខ្មែរ​២​លាន​រៀល​, និង​សម្ភារ:​មួយចំនួន​ផងដែរ​។
​ប្រភព​ដដែល​បន្តថា ជនសង្ស័យ​គឺជា​មនុស្ស​ប្រើប្រាស់​គ្រឿងញៀន ដោយ​មើលទៅ​មាន​សភាព​មិន​ស្រួល ស្ត្រី​ជា​ម្ដាយ​បាន​ចាក់សោជនសង្ស័យ​ជា​កូន​នៅក្នុង​បន្ទប់ ជាហេតុ​ធ្វើ​ឲ្យ​ជនសង្ស័យ​ខឹង ក៏បាន​វាយ​បំផ្លិចបំផ្លាញ​ម៉ូតូ​ខូចខាត​អស់​២​គ្រឿង និង​ដុត​ផ្ទះ​​បណ្តាលឲ្យ​ឆេះ​ខ្ទេច​អស់​សម្ភារ:​មាន​ក្នុងផ្ទះ​តែម្តង ​។ បន្ទាប់ពី​នគរបាល​ប៉ុស្តិ៍​រដ្ឋបាល​សង្កាត់​តា​ក្តុល​ទទួលបាន​ព័​ត៌​មាន​ខាងលើ ភ្លាមៗ​នោះ ក៏​រាយ​ការ​បន្តទៅ​នគរបាល​ពន្លត់អគ្គិភ័យ​នៃ​ស្នងការដ្ឋាន​នគរបាល​ខេត្តកណ្ដាល ចុះ​អន្តរាគមន៍​ពន្លត់ ខណ:ដែល​កំពុង​អន្តរា​គម​ន៍​ពន្លត់ ស្រាប់តែ​ជនសង្ស័យ បាន​យក​ខ្សែក្រវ៉ាត់​វាយ​ទៅលើ​សមត្ថកិច្ច​ឈ្មោះ ផន លី​កូ បណ្តាលឲ្យ​រយះ​បែក​ឈាម​តែម្តង​ ។

​ក្រោយ​កើតហេតុ​ជនសង្ស័យ​និង​វត្ថុតាង​ត្រូវបាន​សមត្ថកិច្ច​ឃាត់ខ្លួន​មក​អធិការដ្ឋាន​ក្រុង​តាខ្មៅ ដើម្បី​កសាង​សំណុំរឿង​ចាត់ការ​តាម​នីតិ​វិធី​។ ​ចំណែក​ជនរងគ្រោះ​ជាស​ម​ត្ថ​កិច្ច​នោះ ត្រូវបាន​យកទៅ​ព្យាបាល​នៅ​មន្ទីរពេទ្យ ៕

មតិយោបល់