កែបៈ កម្លាំងការិយាល័យប្រឆាំងគ្រឿងញៀន សហការជាមួយកម្លាំងអន្តរាគមន៍ពិសេស និងប៉ុស្តិ៍រដ្ឋបាលសាមី នៅវេលាម៉ោង៨និង០០នាទីយប់ថ្ងៃទី១៩ ខែកក្កដា ឆ្នាំ២០២០ បានចុះស្រាវជ្រាវបង្ក្រាបមុខសញ្ញាប្រើប្រាស់គ្រឿងញៀន១លើក នៅចំណុចសាលាបឋមសិក្សាអង្គភ្នំតូច ស្ថិតនៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប។

ប្រតិបត្តិការបង្ក្រាបករណីខាងលើនេះ ឃាត់ខ្លួនជនសង្ស័យបានចំនួន៣នាក់៖ ទី១-ឈ្មោះ ហ៊ី ស៊ីធិ ភេទប្រុស អាយុ១៨ឆ្នាំ មុខរបរកម្មករផលិតទឹកសុទ្ធ, ទី២-ឈ្មោះ មាស ច័ន្ទរិទ្ធី ភេទប្រុស អាយុ២៧ឆ្នាំ មុខរបរកម្មករផលិតទឹកសុទ្ធ,ទី៣-ឈ្មោះ ខ្នៅ រ៉ូ ភេទប្រុស អាយុ២០ឆ្នាំ មុខរបរ ធ្វើការតាមភោជនីយដ្ឋាន។ ជនសង្ស័យទាំងបីនាក់ រស់នៅភូមិថ្មី សង្កាត់ព្រៃធំ ក្រុងកែប ។

ក្រោយឃាត់ខ្លួនជនសង្ស័យ សមត្ថកិច្ចដកហូតបានវត្ថុតាងមួយចំនួនទៀតរួមមាន៖ ម្សៅក្រាមពណ៌សថ្លាចំនួន៤កញ្ចប់តូច , ម៉ូតូចំនួន១គ្រឿង និងទូរស័ព្ទដៃចំនួន៤គ្រឿង។

ជនសង្ស័យរួមទាំងវត្ថុតាងបានបញ្ជូនទៅកាន់ស្នងការដ្ឋាននគរបាលខេត្ត ដើម្បីបន្តនីតិវិធី និងរៀបចំសំណុំរឿងបញ្ជូនទៅតុលាការចាត់ការបន្ត ៕