កោះកុងៈ កាលពីថ្ងៃទី២៦ ខែកក្កដា ឆ្នាំ២០២០ វេលាម៉ោង១៦និង២០នាទី ករណីបុរសម្នាក់ ប្រើអំពើហិង្សាដោយយកកាំបិតខ្វាវកាប់ទៅលើស្រ្តីម្នាក់ បណ្តាលឲ្យរងរបួសធ្ងន់ ស្ថិតនៅក្នុងភូមិជីមាល ឃុំអណ្ដូងទឹក ស្រុកបូទុមសាគរ ខេត្តកោះកុង ។
ជនសង្ស័យឈ្មោះ ជុំ ធួក ភេទប្រុស អាយុ៤៥ឆ្នាំ បានធ្វើសកម្មភាពយកកាំបិតខ្វាវ កាប់ទៅលើជនរងគ្រោះ ឈ្មោះ ឈឹម ច្រៀប ភេទស្រី អាយុ៣៥ឆ្នាំ បណ្តាលឲ្យរងរបួសធ្ងន់ បានដឹកបញ្ជូនទៅសង្គ្រោះនៅមន្ទីរពេទ្យបង្អែកស្រុកស្រែអំបិល ។
មូលហេតុ៖ ទំនាស់គ្នា រឿបងស្រីជនរងគ្រោះបិតផ្លូវ មិនឲ្យក្រុមគ្រួសារជនសង្ស័យចូលផ្ទះរបស់ខ្លួនដែលនៅខាងក្រោយ ។
ករណីខាងលើនេះ កម្លាំងសមត្ថកិច្ចបានធ្វើការឃាត់ខ្លួនជនសង្ស័យ កសាងសំណុំរឿងចាត់ការតាមនីតិវិធីផ្លូវច្បាប់ ៕
មតិយោបល់