YouTube បាន​ប្រកាស​ឲ្យដឹង​ថ្ងៃទី​២៧​ខែ​មករា ឆ្នាំ ២០១៥ ម្សិលមិញ​នេះ​ថា វីដេអូ​នៅលើ YouTube ឈប់​ប្រើ Flash ហើយ គឺ​ប្រើ HTML5 ជំនួស​វិញ ព្រោះ​វា​ងាយស្រួល​ជាង​ការប្រើប្រាស់ Flash នេះ​បើ​យោង​តាម​ការ​ចុះផ្សាយ​នៅ​ប្លក់ YouTube ផ្ទាល់​។​

YouTube បានបញ្ជាក់​ថា ការប្រើ HTML5 ជំនួស Flash នេះ​ត្រូវបាន​អនុវត្ត​ចាប់ពីពេលនេះ​តទៅ ដោយ​អាច​ប្រើ​បាន​នៅលើ Chrome, Internet Explorer 11, Safari 8 និង Firefox​។ លោក Richard Leider ប្រធាន​វិស្វករ YouTube បាន​និយាយថា ពេលវេលា​នៃ​ការប្រើ Flash ត្រូវបាន​បំភ្លេចចោល ហើយ​ងាក​មក​ចាប់អារម្មណ៍​ជាមួយនឹង HTML5 វិញ​ម្ដង​៕​