ប៉ៃលិន: យោងតាមផេកការិយាល័យ ផ្សព្វផ្សាយតាមបណ្តាញសង្គម បានឲ្យដឹងថា នៅវេលាម៉ោង១៩ និង២០នាទី ថ្ងៃព្រហស្បតិ៍ ០២ កើត ខែភទ្របទ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២០ ខែសីហា ឆ្នាំ២០២០ កម្លាំងប៉ុស្តិ៍នគរបាលរដ្ឋបាលស្ទឹងកាច់ បានទទួលពាក្យបណ្ដឹងអំពីករណីហិង្សា និងបំផ្លិចបំផ្លាញទ្រព្យសម្បត្តិ ក្នុងគ្រួសារមួយករណី ពីឈ្មោះ ដាក់ សំណាង ភេទស្រី អាយុ៣៩ឆ្នាំ មានទីលំនៅបច្ចុប្បន្ន នៅភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជនសង្ស័យមានឈ្មោះ ដាក់ សុវីន ភេទប្រុស អាយុ ៣៤ ឆ្នាំ មានទីលំនៅបច្ចុប្បន្ន ភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ ជនសង្ស័យ បានរករឿងអ្នកក្នុងផ្ទះ បានបោកទូរស័ព្ទ និងទាញកាំបិតខ្វែវដេញកាប់អ្នកផ្ទះ ហើយនិងបានយកកាំបិតតាំងតោ កាប់ម៉ូតូ និងចង់ដុតម៉ូតូចោល។
មូលហេតុ គឺបណ្តាលមកពីទំនាស់ពាក្យសម្ដីគ្នា។
វត្ថុតាងខូចខាតរួមមាន ទូរស័ព្ទដៃម៉ាក់ vivo ០១ គ្រឿង ម៉ូតូម៉ាក អាយខុន ពាក់ផ្លាកលេខ បាត់ដំបង ១I ៣០២០ ចំនួន ០១គ្រឿង វត្ថុតាងដកហូតបានរួមមាន កាំបិតខ្វែវដងដែកមួយប្រវែង១.៣ ម៉ែត្រ។
បច្ចុប្បន្ន ជនសង្ស័យត្រូវបានឃាត់ខ្លួននៅ អធិការដ្ឋាននគរបាលស្រុកសាលាក្រៅ ដើម្បីដោះស្រាយទៅតាមនីតិវិធីច្បាប់៕
មតិយោបល់