ភ្នំពេញៈ ជនសង្ស័យជំនាញឆ្កឹះសោបន្ទប់ជួលលួចទ្រព្យសម្បត្តិម្នាក់ ត្រូវបានកម្លាំងនគរបាលប៉ុស្តិ៍ចោមចៅ៣ ធ្វើការឃាត់ខ្លួនផ្អែកតាមបណ្តឹងរបស់អ្នកភូមិ ព្រោះថាបាត់របស់របរញឹកញាប់ពេក ឆែកពិនិត្យមើលតាមរយៈកាមេរ៉ាសុវត្តិភាព ទើបដឹង ស្គាល់មុខមាត់ពិត ដកហូតបានដែកប្រើសម្រាប់ឆ្កឹះសោ សម្ភារៈពាក់ព័ន្ធមួយចំនួនទៀត កាលពីវេលាម៉ោង១និង៣០នាទីរសៀល ថ្ងៃទី២៩ ខែសីហា ឆ្នាំ២០២០ នៅក្នុងភូមិអង្គ សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ ។

ជនសង្ស័យឈ្មោះ កែប ប៊ុន្នី ភេទប្រុស អាយុ២៨ឆ្នាំ មុខរបរ កម្មករសំណង់ ស្នាក់នៅផ្ទះជួល ភូមិអង្គ សង្កាត់ចោមចៅ៣ ខណ្ឌពោធិសែនជ័យ មានស្រុកកំណើត ភូមិសូរ្យសែន ឃុំសូរ្យសែន ស្រុកព្រៃឈរ ខេត្តកំពង់ចាម ។

បន្ទាប់ពីឃាត់ខ្លួនរួច ជនសង្ស័យត្រូវសមត្ថកិច្ចកសាងសំណុំរឿងបញ្ជូនទៅផ្នែកជំនាញខណ្ឌ ដើម្បីចាត់ការតាមនីតិវិធី ៕