ផ្ទះ ព័ត៌មានជាតិ មន្រ្តីយោធាម្...

មន្រ្តីយោធាម្នាក់ ប្រច័ណ្ឌប្រពន្ធ យកពូថៅកាប់បណ្តាលឲ្យរបួសធ្ងន់ រួចរត់ទៅចងសម្លាប់ខ្លួនឯង តាមក្រោយ

0

តាកែវ: នៅថ្ងៃសុក្រ ២រោច ខែភទ្របទ​ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៤ ខែកញ្ញា ឆ្នាំ២០២០ ​វេលាម៉ោង២និង៣០នាទី មានករណីបុរសម្នាក់ ប្រច័ណ្ឌប្រពន្ធរបស់ខ្លួន បានយកពូថៅកាប់ បណ្តាលឲ្យរងរបួសធ្ងន់ ហើយប្តីរត់ទៅចងកសម្លាប់ខ្លួនឯង បាត់បងជីវិត បង្កឲ្យមានការភ្ញាក់ផ្អើលកើតឡើង នៅចំណុចភូមិត្រពាំងរំពាក់ ឃុំត្រាំកក់ ស្រុកត្រាំកក់ ខេត្តតាកែវ។

ជនសង្ស័យឈ្មោះ សែប បូណារ៉ា ភេទប្រុស អាយុ៤៩ឆ្នាំ ត្រូវជាប្តី មានទីលំនៅភូមិ-ឃុំកើតហេតុ មុខរបរយោធានៅវរ:312 កងពលតូចលេខ31 បានធ្វើអត្តឃាតខ្លួនឯង​ ដោ​យយកក្រមាចងកនិងបង្អួចផ្ទះ​ បណ្ដាលឲ្យស្លាប់ភ្លាមៗ​ បន្ទាប់ពីយកពូថៅកាប់ទៅលើប្រពន្ធរបស់ខ្លួន ។

មូលហេតុ៖ ដោយមានទំនាស់ជាមួយប្រពន្ទ​ (ប្រច័ណ្ឌ) ។

សូមបញ្ជាក់ថា​ នៅមុនធ្វើអត្តឃាត ជនជាសាកសព បានយកពូថៅកាប់ទៅលើប្រពន្ទចំនួន០៤ពូថៅ​ចំករបួសធ្ងន់​ ត្រូវបានបងប្អូនដឹកយកទៅសង្គ្រោះនៅមន្ទីរពេទ្យក្រុងដូនកែវ ។

ក្រោយកើតហេតុនេះ ផ្នែកជំនាញបច្ចេកទេសខេត្ត ស្រុក និងសមត្តកិច្ចពាក់ពន្ធ័ ​បានចុះពិនិត្យកន្លែងកើតហេតុ ឃើញថា សាកសពបានចងកសម្លាប់ខ្លួន ប្រាកដមែន ។
សាកសពត្រូវបានប្រគល់ជូនសាច់ញាតិ ដើម្បីធ្វើបុណ្យតាមប្រពៃណី៕

មតិយោបល់