ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំងនគរបាលប៉ុស្តិ៍រដ្ឋបាលវាលវង់ និងកម្លាំងនគរបាលអធិការដ្ឋាននគរបាលខណ្ឌ៧មករា បានស្រាវជ្រាវឃាត់ខ្លួនស្រីម្នាក់ពាក់ព័ន្ធករណី អំពើលួច(លួចប្រាក់ចំនួន៨០០០$) ប្រព្រឹត្តកាលពីថ្ងៃទី ៥ ខែមិថុនា ឆ្នាំ២០២០ វេលាម៉ោង១៤ និង៣០នាទី ត្រង់ចំណុចអគាខុនដូរ ស្កាយឡាយ ទីតាំលេខ៨៨ បន្ទប់លេខ៣២០១ ជាន់ទី៣០ ផ្លូវ១៣៤ ភូមិ២ សង្កាត់វាលវង់ ខណ្ឌ៧មករា ។
ជនសង្ស័យមានឈ្មោះ ហេង ពៅ ភេទស្រី អាយុ៤១ឆ្នាំ ជនជាតិខ្មែរ មុខរបររកស៊ីដើររាប់លុយតាមផ្សារ ស្នាក់នៅផ្ទះជួលមិនចាំលេខ ផ្លូវមិនចាំ សង្កាត់ទឹកថ្លា ខណ្ឌសែនសុខ រាជធានីភ្នុំពេញ ត្រូវបានសមត្ថកិច្ចឃាត់ខ្លួននៅថ្ងៃទី០៤ ខែ កញ្ញាឆ្នាំ២០២០ វេលាម៉ោង២០និង៣០នាទី ។ ជនរងគ្រោះ ឈ្មោះ អឿន ម៉ូលីកា ភេទស្រី អាយុ២៥ឆ្នាំ ជនជាតិខ្មែរ មុខរបរលក់ឡេតាមអនឡាញ ស្នាក់នៅខុនដូរស្កាយឡាយ អគាលេខ៨៨ ផ្លូវ១៣៤ ភូមិ២ សង្កាត់វាលវង ខណ្ឌ៧មករា ។ ក្នុងការឃាត់ខ្លួន សមត្ថកិច្ចដកហូតបានវត្ថុតាង និងសម្ភារៈមួយចំនួន ។
បច្ចុប្បន្ន ជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាន នគរបាលខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធីច្បាប់ ៕
មតិយោបល់