ផ្ទះ ព័ត៌មានជាតិ ផឹកស៊ីស្រវឹងប...

ផឹកស៊ីស្រវឹងបង្កជាហិង្សា បងថ្លៃវ៉ៃប្អូនថ្លៃ រងរបួស នៅស្រុកកំពង់លែង

0

កំពង់ឆ្នាំង: នៅថ្ងៃសៅរ៍ ០២កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹង ថ្ងៃទី១៩ ខែកញ្ញា ឆ្នាំ២០២០ វេលាម៉ោង ៦និង១០នាទី នៅចំណុចផ្ទះរបស់ឈ្មោះ ឈន ឈីម ភេទប្រុស អាយុ ៣១ឆ្នាំ រស់នៅភូមិតាឡាត់ ឃុំស្វាយរំពារ ស្រុកកំពង់លែង ខេត្តកំពង់ឆ្នាំង។

ជនបង្កឈ្មោះ សួ សៀម ភេទប្រុស អាយុ ៤១ឆ្នាំ រស់នៅភូមិ-ឃុំ ខាងលើបានផឹកស៊ីស្រវឹង បោក ប៉ាន់កែវ និងបានវាយទៅលើឈ្មោះ ឈន ឈីម (ប្អូនថ្លៃ) ដែលជាម្ចាស់ផ្ទះបណ្តាលឲ្យពកក្បាល ដួលរលាត់ជង្គង់ រួចក៏ទៅយកកាំបិទកកុកបម្រុងមករកកាប់ឈ្មោះ ឈន ឈីម ទៀត តែត្រូវបានបងប្អូនជួយចាប់ឃាត់បានទាន់ពេលវេលា ។

ក្រោយពេលកើតហេតុសមត្ថកិច្ចប៉ុស្តិ៍នគរបាលរដ្ឋបាលស្វាយរំពារ ក៏បានចុះធ្វើការឃាត់ខ្លួនជនសង្ស័យបញ្ជូនមកអធិការដ្ឋាន និងបានសាងសំណុំរឿងតាមនីតិវិធី ៕

មតិយោបល់