ព័ត៌មានជាតិ

កម្មករ២ក្រុមទាស់គ្នា​ យកកណ្តៀវ និងកំណត់ឈើវាយគ្នា បណ្តាលឲ្យបែកក្បាលម្នាក់

ប៉ៃលិន:​ យោងតាមផេក ផ្សព្វផ្សាយអប់រំ ក្រសួងមហាផ្ទៃ បានឲ្យដឹងថា នៅវេលាម៉ោង ២១និង០០នាទីយប់ថ្ងៃអង្គារ ០៥កើត ខែអស្សុជ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២២ ខែកញ្ញា ឆ្នាំ​២០២០ មានករណីហិង្សាដោយចេតនា(វ៉ៃគ្នាទៅវិញទៅមក) ចំនួន០១ករណី នៅចំណុចស្រែប្រាំង ស្ថិតក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន។​

ភាគីទី០១មានគ្នាចំនួនម្នាក់ .ឈ្មោះ ញឿង នី ភេទប្រុស អាយុ ២៦ឆ្នាំ មុខរបរ កម្មករ រស់នៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន (រងរបួសជាំមុខខាងឆ្វេង)។
ភាគីទី០២មានគ្នាចំនួន០៣នាក់​ ទី០១.ឈ្មោះ អ៊ុត វុធ ភេទប្រុស អាយុ​៣៥ឆ្នាំ មុខរបរ កម្មករ រស់នៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន (គ្មានរបួស)។
ទី០២.ឈ្មោះ មឿត មុល ភេទប្រុស អាយុ​២៩ឆ្នាំ មុខរបរ កម្មករ រស់នៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន (គ្មានរបួស)។ ទី០៣.ឈ្មោះ ថូ សុខណន ភេទប្រុស អាយុ​៣៩ឆ្នាំ មុខរបរ កម្មករ​ រស់នៅភូមិភ្នំស្ពង់​ ឃុំសាលាក្រៅ ស្រុកសាលាក្រៅ ខេត្តប៉ៃលិន(របួសធ្ងន់បែកក្បាល ៣សង់ទីម៉ែត្រ)។

វត្ថុតាងរួមមាន៖​ កណ្ដៀវ​ កំណាត់ឈើ​ ។

បច្ចុប្បន្ន ភាគគីទាំងពីរត្រូវបានឃាត់ខ្លួននៅអធិការដ្ឋាននគរបាលស្រុកសាលាក្រៅ ដើម្បីចាត់ការតាមនីតិវិធីច្បាប់។ ចំណែកឈ្មោះ​ ថូ សុខណន ត្រូវបានធានាឲ្យសម្រាកនៅផ្ទះដោយសារតែមានរបួសធ្ងន់៕

មតិយោបល់