មណ្ឌលគិរីៈ នៅវេលាម៉ោង១៨និង១២នាទី ថ្ងៃទី២៣ ខែកញ្ញា ឆ្នាំ២០២០ នៅផ្លូវជាតិ៧៦ចន្លោះគីឡូម៉ែត្រលេខ ១៣២និង១៣៣ ស្ថិតនៅក្នុងភូមិពូលូង សង្កាត់រមនា ក្រុងសែនមនោរម្យ ខេត្តមណ្ឌលគិរី មានករណីគ្រោះថ្នាក់ចរាចរណ៍រវាងរថយន្តនិងម៉ូតូទិសដៅបញ្ចា្រសគ្នា បណ្តាលឲ្យសិស្សសាលា២នាក់ ស្លាប់និងរងរបួសធ្ងន់ ។

ករណីគ្រោះថ្នាក់ចរាចរណ៍ខាងលើនេះ ១/អ្នកបើករថយន្តឈ្មោះ ម៉ន ដាវុធ ភេទប្រុស អាយុ៣០ឆ្នាំ ជនជាតិខ្មែរ មុខរបរនគរបាល រស់នៅភូមិដោះក្រមុំ សង្កាត់សុខដុម ក្រុងសែនមនោរ្យ ខេត្តមណ្ឌលគិរី រថយន្តម៉ាកបាឡែន ពណ៌ទឹកមាស ផ្លាកលេខសៀមរាប 2B2823 ម្ចាស់ពុំមានរងរបួស។ ២/អ្នកបើកម៉ូតូឈ្មោះ រុំ ម៉ានី ភេទប្រុសអាយុ១៦ឆ្នាំ ជនជាតិឥស្លាម មុខរបរសិស្ស រស់នៅភូមិពូគ្រែង ឃុំស្រែអំពូម ស្រុកពេជ្រាដា ខេត្តមណ្ឌលគិរីម៉ូតូម៉ាកអិចសិនធ័រ ពណ៌ក្រហម ផ្លាកលេខគ្មាន កញ្ចក់មាន គ្មានមួក ពេលដឹកមកដល់មន្ទីរពេទ្យបានដាច់ខ្យល់ស្លាប់។ ៣/អ្នករួមដំណើរឈ្មោះ អា រ៉ាហ្វីន ភេទប្រុស អាយុ១៧ឆ្នាំ ជនជាតិឥស្លាម មុខរបរសិស្ស រស់នៅភូមិ-ឃុំជាមួយគ្នាខាងខាងលើ រងរបួសបាក់ភ្លៅខាងស្តាំនិងបាក់កដៃស្តាំ។

មូលហេតុ៖ ម៉ូតូវ៉ារថយន្តក្រុងក៏ចូលខាងឆ្វេងដៃទៅបុករថយន្តម៉ាកបាឡែនតែម្តង ។

ក្រោយពីធ្វើការត្រួតពិនិត្យរួចមធ្យោបាយត្រូវបានកម្លាំជំនាញយកមករក្សាទុក នៅអធិការដ្ឋាននគរបាលក្រុងសែនមនោរម្យ ។ បច្ចុប្បន្នជនរងគ្រោះសម្រាកព្យាបាលនៅមន្ទីពេទ្យបង្អែកខេត្តមណ្ឌលគិរី ចំណែកសាកសពត្រូវបាន កម្លាំប្រគល់ជូនក្រុមគ្រួសារធ្វើបុណ្យតាមប្រពៃណី៕