ព្រៃវែងៈ នៅថ្ងៃទី២៦ ខែកញ្ញា ឆ្នាំ២០២០ វេលាប្រហែលម៉ោង ២និង១៤នាទី រសៀល មានករណីក្មេងលង់ទឹកស្លាប់ម្នាក់ នៅត្រង់ចំណុចភូមិក្រួស ឃុំព្រៃព្នៅ ស្រុកពារាំង ខេត្តព្រៃវែង ។

សពក្មេងរងគ្រោះឈ្មោះ ខុំ ដាលីន ភេទស្រី អាយុ១ឆ្នាំ រស់នៅភូមិ-ឃុំកើតហេតុ ។

មូលហេតុ៖ ឪពុកម្តាយទុកកូនឲ្យនៅផ្ទះ ២នាក់ បងប្រុស អាយុ២ឆ្នាំ ហើយចេញទៅច្រូតស្មៅបាត់ បណ្តាលឲ្យ ក្មេងរងគ្រោះវាធ្លាក់ទឹកប្រឡាយដែលនៅជាប់ផ្ទះ លង់ស្លាប់ (ខាងត្បូងផ្ទះចំងាយ15m) ។

ក្រោយកើតហេតុ សមត្ថកិច្ចមួលដ្ឋានបានចុះទៅពិនិត្យសាកសពក្មេងស្រីរងគ្រោះខាងលើ រួចបញ្ជាក់ថា ពិតជាស្លាប់ដោយសារលង់ទឹកប្រាកដមែន ហើយបានប្រគល់ទៅឪពុកម្តាយ ធ្វើបុណ្យតាមប្រពៃណី៕