ភ្នំពេញៈ កាលពីថ្ងៃទី ០៤ ខែ តុលា ឆ្នាំ ២០២០ វេលាម៉ោងប្រហែល៥និង ៥០ នាទី កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យចំនួន ០១ នាក់ នៅចំណុចក្នុងរោងចក្ររទេះភ្លើង ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ ដែលបានប្រព្រឹត្តបទល្មើស អំពើលួច (ម៉ូតូមួយគ្រឿងម៉ាកស៊ុយហ្ស៊ុយគីនិច ពណ៌ លឿង លាយ ស ផលិតឆ្នាំ ២០២០ ពាក់ស្លាកលេខភ្នំពេញ១ID-២៣៥៩) ប្រព្រឹត្តនៅចំណុចផ្ទះលេខ៩១ ផ្លូវលេខ១៣២ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី ០៣ ខែ តុលា ឆ្នាំ ២០២០ វេលាម៉ោងប្រហែល ២៣ និង ១៥ នាទីបញ្ជូនមកការិយាល័យដើម្បីសាកសួរចាត់ការតាមនីតិវិធី មាន៖
-ឈ្មោះ សន ចាន់ឡា ហៅ ឃ្លេ ភេទ ប្រុស អាយុ ១៩ ឆ្នាំ ជនជាតិ ខ្មែរ
-មុខរបរ មិនពិតប្រាកដ
-ស្នាក់នៅផ្ទះលេខ៩១ ផ្លូវលេខ១៣២ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ

ជនរងគ្រោះ
-ឈ្មោះ អ៊ុយ ហ៊ុយចាន់សុភ័ក្រនាថ ភេទ ស្រី អាយុ ១៨ ឆ្នាំ ជនជាតិ ខ្មែរ មានទីលំនៅផ្ទះលេខ៩១ ផ្លូវលេខ១៣២ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ មុខរបរ សិស្ស

កាលពីថ្ងៃទី៣ ខែ តុលា ឆ្នាំ ២០២០ វេលាម៉ោងប្រហែល ១១ និង ១៥ នាទី មានករណី អំពើលួច (ម៉ូតូមួយគ្រឿងម៉ាកស៊ុយហ្ស៊ុយ គីនិច ពណ៌ លឿង លាយ ស ផលិតឆ្នាំ ២០២០ ពាក់ស្លាកលេខភ្នំពេញ១ID-២៣៥៩) ប្រព្រឹត្តនៅចំណុចផ្ទះលេខ៩១ ផ្លូវលេខ១៣២ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ បង្កឡើងដោយជនសង្ស័យរស់នៅផ្ទះជាមួយជនរងគ្រោះ ។ នៅពេលជនរងគ្រោះចតម៉ូតូម៉ាកខាងលើទុកនៅមុខផ្ទះហើយចូលទៅសំរាកក្នុងផ្ទះ ជនសង្ស័យឃើញស្ងាត់ ក៏លួចយកម៉ូតូជិះចេញគេចខ្លួនបាត់តែម្តង ។ លុះដល់ម៉ោងប្រហែល៥និង ៣០ នាទី ថ្ងៃ ខែ ឆ្នាំ ដដែល ឈ្មោះ សន ចាន់ឡា ហៅ ឃ្លេ បានយកលិខិតបញ្ចាំម៉ូតូមកប្រគល់ឲ្យជនរងគ្រោះឈ្មោះ អ៊ុយ ហ៊ុយចាន់សុភ័ក្រនាថ ដល់ផ្ទះ ពេលនោះទើបជនរងគ្រោះដឹងថាជនសង្ស័យបានលួចម៉ូតូរបស់ខ្លួន យកទៅដាក់បញ្ចាំយកប្រាក់ ហើយឈ្មោះ សន ចាន់ឡា ហៅ ឃ្លេ បានគេចខ្លួនបាត់តែម្តង ។
បច្ចុប្បន្នជនសង្ស័យខាងលើការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់ ៕