ភ្នំពេញ: ដើមអម្ពិល មួយដើមដោយសារពុកឫសកែវ ត្រូវបានដួលរលំរបងកំពង់ផែថ្ម នៅតាមបណ្ដោយ មហាវិថីព្រះស៊ីសុវត្ថិតែសំណាងល្អ មិនបង្កឲ្យមានមនុស្សរងរបួសឡើយ។
ហេតុការណ៍ដួលរលំដើមឈើនេះ បង្កកាភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃទី១៥ ខែតុលា ឆ្នាំ២០២០ ចំណុចមុខកំពង់ផែថ្ម ស្ថិតនៅតាមបណ្ដោយ មហាវិថីព្រះស៊ីសុវត្ថិ សង្កាត់ស្រះចក ខណ្ឌដូនពេញ រាជធានីភ្នំពេញ ។
ប្រភពព័ត៌មានពីកន្លែងកើតហេតុ បានប្រាប់ឲ្យដឹងថា នៅមុខពេលកើតហេតុ ស្រាប់តែសុខៗ ដើមអម្ពិលមួយដើមធំនេះ រលើងរបើកឫសគល់បាក់រលំទៅលើរបងកំពង់ផែថ្ម តែសំណាងល្អមិនបង្កឲ្យមានមនុស្សរងរបួសឡើយ។
ក្រោយពេលកើតហេតុលោកចៅសង្កាត់ស្រះចក បានបញ្ជាកម្លាំងប្រជាការពារ បានចាត់ចុះមកកាត់ដើមឈើយកចេញ៕
មតិយោបល់