ភ្នំពេញៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កម្លាំងជំនាញផ្នែកយុត្តិធម៌ នៃអធិការដ្ឋាននគរបាលខណ្ឌដូនពេញ សហការជាមួយកម្លាំងនគរបាលប៉ុស្តិ៍នគរបាលស្រះចក បានធ្វើការឃាត់ខ្លួនជនសង្ស័យ០១នាក់ ករណីឆក់ទូរស័ព្ទ ប្រព្រឹត្តិនៅចំណុចផ្លូវលេខ៩៣ កែង៨០ ភូមិ៧ សង្កាត់ស្រះចក ខណ្ឌដូនពេញ រាជធានីភ្នំពេញ ។
ជនសង្ស័យឈ្មោះ ហ៊ុន ច័ន្ទវិរៈ ហៅអារក្ស ភេទប្រុស អាយុ៣២ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ ត្រូវបានសមត្ថកិច្ចឃាត់ខ្លួននៅថ្ងៃទី២២ ខែតុលា ឆ្នាំ២០២០ វេលាម៉ោង១៩និង០០នាទី ។
ជនសង្ស័យ រួមនឹងវត្ថុតាង កម្លាំងនគរបាលខណ្ឌដូនពេញកសាងសំណុំរឿងអនុវត្តតាមនីតិវិធី ។ ចំណែកទូរស័ព្ទបានប្រគល់ជូនម្ចាស់វិញផងដែរ ៕
មតិយោបល់