ផ្ទះ ព័ត៌មានជាតិ បង្ក្រាបទីតាំ...

បង្ក្រាបទីតាំងបើកលេងបៀរមួយកន្លែង ឃាត់ខ្លួនស្ត្រីចំនួន០៣នាក់ ធ្វើការណែនាំ និងកិច្ចសន្យា

0

ភ្នំពេញ: នៅថ្ងៃទី២៦ ខែតុលា ឆ្នាំ២០២០ វេលាម៉ោង១៥ និង១០នាទី លោក ជា ពិសី អភិបាលនៃគណ:អភិបាលខណ្ឌប្ញស្សីកែវ និងជាប្រធាន​ គណ:បញ្ជាការឯកភាពរដ្ឋបាលខណ្ឌប្ញស្សីកែវ បានដឹកនាំ កម្លាំងគណ:បញ្ជាការឯកភាពរដ្ឋបាលខណ្ឌ រួមមាន ៖ លោកនាយករងរដ្ឋបាលខណ្ឌ មន្ត្រីពាក់ព័ន្ធ នគរបាល និងសណ្ដាប់ធ្នាប់សាលាខណ្ឌ ចុះបង្ក្រាបទីតាំងបើកលេងល្បែងស៊ីសងខុសច្បាប់ លេងបៀរ មួយកន្លែង ស្ថិតនៅក្រុមទី៦ ភូមិខ១ សង្កាត់ច្រាំងចំរេះទី២ ខណ្ឌប្ញស្សីកែវ រាជធានីភ្នំពេញ។

ក្នុងប្រតិបត្តិការនេះ កម្លាំងគណ:បញ្ជាការឯកភាពរដ្ឋបាលខណ្ឌ បានឆ្មក់ចូលបង្ក្រាបទីតាំងនោះភ្លាមៗ ខណ:ដែល មនុស្សមួយចំនួន សុទ្ធសឹងតែជាស្ត្រីកំពុងតែអង្គុយលេងបៀរ យ៉ាងអនាធិបតេយ្យ ដោយឥតខ្លាចញញើតដល់អាជ្ញាធរមូលដ្ឋានឡើយ ក៏ប៉ុន្តែ កម្លាំងគណ:បញ្ជាឯកភាព បានឃាត់ខ្លួនស្ត្រីជាអ្នកលេងបៀរ ចំនួន០៣នាក់ និងបានធ្វើកិច្ចសន្យា អប់រំណែនាំ ពួកគាត់ កុំឲ្យប្រព្រឹត្តនូវអំពើខុសច្បាប់ដូចច្នេះទៀត។ ដោយឡែក ម៉ូតូរបស់អ្នកលេងបៀរ ចំនួន០២គ្រឿង និងសម្ភារ:(សន្លឹកបៀរ និងលុយភ្នាល់មួយចំនួន) ត្រូវបាន កម្លាំង ធ្វើការដកហូត យកមករក្សាទុកនៅអធិការដ្ឋាននគរបាលខណ្ឌ ជាបណ្ដោះអាសន្ន ដើម្បីអនុវត្តតាមនីតិវិធីច្បាប់ជាបន្ត៕

មតិយោបល់