ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជនម្នាក់ត្រូវបានម្ចាស់រថយន្តប្តឹងសមត្ថកិច្ចចុះមកឃាត់ខ្លួន ពាក់ព័ន្ធករណីលួចគាស់កញ្ចក់រថយន្ត នៅចំណុចមុខផ្ទះលេខ០៩ ផ្លូវលេខ៧ (បុរីប៉េងហួត) ភូមិបឹងឈូក សង្កាត់និរោធ ខណ្ឌច្បារអំពៅ ថ្ងៃទី២៧ ខែតុលា ឆ្នាំ២០២០ វេលាម៉ោង១០និង០០នាទី ។
ជនសង្ស័យឈ្មោះសោម សុចិត្ត ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ។
សេចក្តីរាយការណ៍ បានឲ្យដឹងថា មុនពេលកើតហេតុ ជនរងគ្រោះទុករថយន្តម៉ាក Lexus570 ពណ៌ស ពាក់ផ្លាកលេខ ព្រះសីហនុ ២B-8678 នៅចំណុចកើតហេតុ រួចចូលផ្ទះហូបបាយ ។ ស្រាប់តែជនសង្ស័យជិះម៉ូតូម៉ាកហុងដា សេ១០០កូរ៉េ ពណ៌ក្រហម ពាក់ផ្លាកលេខ ភ្នំពេញ1BB-9221 មកឈប់ក្បែរ យកកូនសោគាស់កញ្ចក់រថយន្តមើលក្រោយខាងឆ្វេងរួចជិះគេចខ្លួន ក៏ត្រូវបានជនរងគ្រោះឃើញ ទូរស័ព្ទរាយការណ៍ប្រាប់សមត្ថកិច្ចចុះឃាត់ខ្លួនជនសង្ស័យ រួមនឹងវត្ថុតាងបញ្ជូនមកអធិការដ្ឋាននគរបាលខណ្ឌច្បារអំពៅ ចាត់ការតាមច្បាប់ ។ ជនសង្ស័យមានប្រើប្រាស់គ្រឿងញៀន ផងដែរ ៕
មតិយោបល់