ផ្ទះ ព័ត៌មានជាតិ កម្លាំងនគរបាល...

កម្លាំងនគរបាល ចុះធ្វើកិច្ចសន្យា ចំពោះម្ចាស់​ទីតាំង​អាហារ​ដ្ឋា​ន​ភ្នំ​យ៉ា​ត ករណីផឹកស៊ីបង្ក​សំឡេង​រំខាន​ដល់​អ្នក​ជិតខាង​

0

​ភ្នំពេញ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ក្រុមការងារ​ព័ត៌មាន​ និង​ប្រតិកម្ម​រហ័ស​ នៃ​អធិការដ្ឋាន​នគរបាល​ស្រុក​អង្គស្នួល​ សូម​ធ្វើការ​បកស្រាយ​ និង​បំភ្លឺ​ជូន​ពាក់ព័ន្ធ​នឹង​ករណី​ មាន​ប្រជាពលរដ្ឋ​បាន​ប្ដឹង​ចូល​ page​ Facebook​ អធិការដ្ឋាន​នគរបាល​ស្រុក​អង្គស្នួល​ ដែល​មាន​ខ្លឹមសារ​ថា​ (​សួស្តី​ បង​ខ្ញុំ​ឆាត​ទៅ​ខាង​បង​ មានរឿង​ចង់ឲ្យ​ខាង​បង​ជួយ​ពិនិត្យ​ និង​ដោះស្រាយ​ ពាក់ព័ន្ធ​នឹង​ការ​បង្ក​ជា​សំឡេង​រំខាន​ ការ​ចាក់​បទ​ចម្រៀង​ ពេល​ខ្លះ​ដល់​ម៉ោង​១១​យប់​ជាង​ក៏​មាន​ ដែល​ជា​ហេតុ​ធ្វើ​ឲ្យ​ប៉ះពាល់​ដល់​សិទ្ធិ​អ្នក​ដទៃ​(​ដែល​គាត់​ ឬ​ពួក​គាត់​ត្រូវ​ក្រោក​ពី​ព្រឹក​ដើម្បី​បំពេញការងារ​)​ ។​ ទីតាំង​ដែល​បង្ក​សំឡេង​រំខាន​គឺ​ចេញពី​អាហារ​ដ្ឋា​ន​ភ្នំ​យ៉ា​ត​(​នៅ​ខាងកើត​កា​រ៉ា​ស់​សាំង​TELA​ ជាប់​នឹង​ផ្លូវជាតិ​លេខ​៤​ ដែល​ស្ថិត​នៅ​ភូមិ​ត្រពាំង​រាំង​ ឃុំ​ព្រៃ​ពួច​ ស្រុក​អង្គស្នួល​ ខេត្តកណ្ដាល​ )​ ។​

​ក្រោយ​ពី​ទទួល​បាន​ព័ត៌មាន​នេះ​ភ្លាម​ កម្លាំង​ជំនាញ​នគរបាល​យុត្តិធម៌​ស្រុក​ សហការ​ជាមួយ​ក​ម្លាំ​ប៉ុស្ដិ៍​នគរបាល​ប៉ុស្ដិ៍​រដ្ឋបាល​ព្រៃ​ពួច​ និង​ប៉ុស្ដិ៍​នគរបាល​រដ្ឋបាល​ពើក​ បាន​ចុះ​ធ្វើការ​អប់រំ​ និង​កិច្ចសន្យា​ទីតាំង​អាហារ​ដ្ឋា​ន​ភ្នំ​យ៉ា​ត​ ដែល​មាន​ទីតាំង​ស្ថិត​នៅ​ភូមិ​ត្រពាំង​រាំង​ ឃុំ​ព្រៃ​ពួច​ ស្រុក​អង្គស្នួល​ ខេត្តកណ្តាល​ ពាក់ព័ន្ធ​នឹង​បញ្ហា​ចាក់​ធុងបាស់​(​ឧបករណ៍​បំពង​សំឡេង​)​ និង​ផឹកស៊ី​ស្រែក​ហ៊ោ​ និយាយ​គ្នា​ឮៗ​ ដែល​ជា​ហេតុ​ប៉ះពាល់​ដល់​អ្នក​រស់នៅ​ជិតខាង​ ។​

​បន្ទាប់​ពី​សមត្ថកិច្ច​បាន​ចុះ​ធ្វើ​កិច្ចសន្យា​រួច​ ឈ្មោះ​ ខុ​ម​ ឃី​ ភេទ​ប្រុស​ អាយុ​២៩​ឆ្នាំ​ ជា​ម្ចាស់​ទីតាំង​អាហារ​ដ្ឋា​ន​ភ្នំ​យ៉ា​ត​ បាន​សន្យា​ថា​នឹង​មិន​ចាក់​ធុងបាស់​(​ឧបករណ៍​បំពង​សំឡេង​)​ឮៗ​ និង​ផឹកស៊ី​ស្រែក​ហ៊ោ​ និយាយ​គ្នា​ឮៗ​ ដល់​ម៉ោង​១១និង១២​យប់​ ដែល​ប៉ះពាល់​ដល់​អ្នក​ជិតខាង​ទៀត​ឡើយ​ ៕ ​

មតិយោបល់