ភ្នំពេញៈ បុរសម្នាក់បើករថយន្តកុងទឺន័រធុនធំមួយគ្រឿង ក្នុងល្បឿនលឿនដល់ផ្លូវកោង ចាប់ហ្រ្វាំង និងបួងចង្កូតមិនទាន់ ក៏ជ្រុលទៅបុកជញ្ជាំងរោងចក្រ បណ្តាលឲ្យរថយន្តខ្ទេចមួយកំណាត់មុខ ឆ្លងភ្លើងឆេះនិងគាបជាប់តៃកុងក្នុងរថយន្ត ។
ហេតុការណ៍នេះ កើតឡើងកាលពីវេលាម៉ោង ០៣និង០០នាទីទៀបភ្លឺថ្ងៃ អាទិត្យទី០៨ ខែវិច្ឆិកា ឆ្នាំ២០២០ ស្ថិតនៅតាមបណ្តោយផ្លូវបេតុង ខាងកើតផ្សាទួលពង្រ ភូមិ ទួលពង្រ សង្កាត់ ចោមចៅទី១ ខណ្ឌ ពោធិ៍សែនជ័យ រាជធានីភ្នំពេញ ។
ជនរងគ្រោះឈ្មោះ ម៉ៅ សោភា អាយុ២១ឆ្នាំ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់ បើករថយន្តកុងទឺន័រធុនធំ ពណ៌លឿងមួយគ្រឿង (មិនមានផ្លាកលេខ) បើកបរទិសដៅពីកើតទៅលិច ក្នុងល្បឿនលឿន លុះដល់ចំណុចកើតហេតុ ផ្លូវកោងកាច់ចង្កូតមិនទាន់ ក៏ជ្រុលទៅបុកជញ្ជាំងរោងចក្របណ្តាលឲ្យបាក់អស់មួយផ្ទាំងធំ រថយន្តខ្ទេចកាប៊ីនខាងមុខ ស្ទើរតែទាំងស្រុង ឆ្លងភ្លើង បណ្តាលឲ្យឆេះត្រូវបានបងប្អូនប្រជាពលរដ្ឋ យកបំពុងពន្លត់អគ្គិភ័យមកពន្លត់ និងបាញ់ទឹកស្អំ រីឯតៃកុងរថយន្តវិញ គាបជាប់ជើងនៅក្នុងរថយន្ត បងប្អូនប្រជាពលរដ្ឋ និងក្រុមគ្រូពេទ្យឯកជន ជួយគាស់តែមិនចេញក៏បានទាក់ទងទៅខាងក្រុមសង្គ្រោះ របស់កងពលតូចលេខ៧០ យករថយន្តមកកាត់ដែក ទើបយកជនរងគ្រោះចេញបាន ។
ក្រោយពេលកើតហេតុ ជនរងគ្រោះដាក់តាមរថយន្តសង្គ្រោះបន្ទាន់ របស់អង្គភាព៧១១ យកទៅមន្ទីរពេទ្យព្រះកុសុមៈ(ពេទ្យលោកសង្ឃ) ដើម្បីសង្គ្រោះបន្ទានរីឯរថយន្តវិញ សមត្ថកិច្ចមូលដ្ឋានបានទាក់ទងទៅកាន់សមត្ថកិច្ចជំនាញ ឲ្យមកយករថយន្តទៅរក្សាទុក និងរង់ចាំភាគីតំណាងខាងរថយន្ត និងរោងចក្រ ដោះស្រាយទៅតាមនីតិវិធីច្បាប់ ៕
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-00.jpg?fit=1000%2C749&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-07.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-11.jpg?fit=1000%2C563&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-17.jpg?fit=1000%2C749&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-22.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-28.jpg?fit=1000%2C563&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-34.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-38.jpg?fit=1000%2C563&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-44.jpg?fit=1080%2C810&ssl=1)
![](https://i0.wp.com/postnews.com.kh/wp-content/uploads/2020/11/postnews.com.kh.2020-11-08_07-47-48.jpg?fit=1080%2C810&ssl=1)
មតិយោបល់