ផ្ទះ ព័ត៌មានជាតិ ឃាត់ខ្លួនបុរស...

ឃាត់ខ្លួនបុរសម្នាក់ ករណីប្រើអំពើហិង្សា ដោយចេតនា និងវាយបំផ្លិចបំផ្លាញរបស់របរ

0

កណ្តាល: ថ្ងៃទី១៤ ខែវិច្ឆិកា​​ ឆ្នាំ២០២០ វេលាម៉ោង៧និង៣០នាទី មានករណីបុរសម្នាក់ប្រើអំពើហិង្សាដោយចេតនា និងធ្វើឲ្យខូចខាតរបស់របរ
នៅចំណុចផ្ទះជនងគ្រោះ ស្ថិតនៅភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្តាល ។

ជនរងគ្រោះ២នាក់៖១.ឈ្មោះ គ្រុយ អៀង ភេទស្រី អាយុ៥០ឆ្នាំ ជនជាតិខ្មែរ មុខរបរ កសិករ នៅភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្តាល ។ ២.ឈ្មោះ សុភក្រ្ត័ ស្រីចាន់ ភេទស្រី អាយុ១៣ឆ្នាំ ជនជាតិខ្មែរ មានទីលំនៅ ភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្តាល ។ ជនសង្ស័យឈ្មោះ គិត ចន ភេទប្រុស អាយុ៥៨ឆ្នាំ ជនជាតិខ្មែរមុខរបរ មិនពិតប្រាកដ មានទីលំនៅភូមិ-ឃុំកើតហេតុ(ឃាត់ខ្លួន)។

វត្តុតាងចាប់យក៖-កម្ទេចអំបែងចានមួយចំនួន-ឆ្នាំងបាយ០១ -គម្របឆ្នាំង០១-កញ្ច្រែងដែក០១។

សភាពនៃរឿងហេតុ៖ ហេតុដំបូងកាលពីខែមុនជនសង្ស័យឈ្មោះ គិត ចន បានវាយបំផ្លិចបំផ្លាញរបស់របរក្នុងផ្ទះជនរងគ្រោះ១ដង ហើយជនរងគ្រោះបានសំណូមពរ សមត្ថកិច្ចហៅមកធ្វើកិច្ចសន្យាណែនាំអប់រំ ដើម្បីឲ្យបញ្ឈប់ការវាយបំផ្លិចបំផ្លាញរបស់របរ និងឲ្យត្រឡប់ទៅវិញ។(កន្លងមកជនរងគ្រោះ និងជនសង្ស័យជាប្ដី ប្រពន្ធនិងគ្នា តែបានលែងលះគ្នាជាច្រើនឆ្នាំមកហើយ)។លុះក្រោយមករហូតមកដល់ថ្ងៃទី១៤.១១.២០២០ ជនសង្ស័យឈ្មោះ គិត ចន បានមកចូលទៅក្នុងផ្ទះឈ្មោះ គ្រុយ អៀង វាយបំផ្លិចបំផ្លាញរបស់របរក្នុងផ្ទះមាន ចាន.ឆ្នាំង និងបានរករឿងឈ្មោះ គ្រុយ អៀង និងបានយកកួយដៃបុកទ្រូង និងចាប់បោចសក់ឈ្មោះ សុភក្រ្ត័ ស្រីចាន់ ដែលត្រូវជាចៅ បោកទៅនិងដី ក្រោយពីទទួលបណ្តឹងតាមរយ:ទូរស័ព្ទពីឈ្មោះ គ្រុយ អៀង ភ្លាមនោះ កម្លាំងប៉ុស្តិ៍រដ្ឋបាលកំពង់ភ្នំ ចុះទៅដល់កន្លែងកើតហេតុ ឃើញថាមានការវាយបំផ្លិចបំផ្លាញរបស់របរក្នុងផ្ទះឈ្មោះ គ្រុយ អៀង បណ្តាលឲ្យបែកនិងខូចខាត កម្លាំងបានធ្វើការឃាត់ខ្លួន និងបញ្ជូនមកផ្នែកជំនាញនគរបាលយុត្តិធម៌ ដើម្បីសាកសួរ និងកសាងសំណុំរឿង បញ្ជូនតាមនីតិវិធី ៕

មតិយោបល់