បន្ទាយមានជ័យៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជនម្នាក់ត្រូវបានគេប្រទះឃើញចងកស្លាប់ភ្ជាប់នឹងភ្នាក់ដៃជណ្តើរឡើងទៅលើផ្ទះដោយជើងនៅលើកាំជណ្តើរទី៣កំពស់ពីដី១,៣០ម៉ែត្រ ។
ហេតុការណ៍បង្កឲ្យភ្ញាក់ផ្អើលនេះបានកើតឡើងថ្ងៃទី០២ ខែធ្នូ ឆ្នាំ២០២០ នៅភូមិបន្ទាត់បោះ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។
លោកវរសេនីយ៍ឯក មាស ប្ញទ្ធី អធិការនគរបាល ស្រុកព្រះនេត្រព្រះ បានឲ្យដដឹងថា យុវជនដែល គិតខ្លីប្រល័យជីវិតខ្លួនឯងទាំងក្មេងខ្ចី ឈ្មោះ ផាំង គាម អាយុ២០ឆ្នាំ រស់នៅភូមិបន្ទាត់បោះ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។
លោកអធិការបានបញ្ជាក់ប្រាប់ឲ្យដឹងថា នៅមុនពេលភ្ញាក់ផ្អើលនេះ មានឈ្មោះ ស៊ុម ស្រីប៉ាន ភេទស្រី អាយុ២២ឆ្នាំ ត្រូវជាបងប្អូនជីដូនមួយបានប្រាប់ថានៅវែលាម៉ោង៦និង៣០នាទីថ្ងៃទី០២-១២-២០២០ ខ្លួនបានដើរចេញពីផ្ទះអ៊ំស្រីទៅផ្ទះរបស់ខ្លួន ដើម្បីបោសសំអាតទីធ្លាក្រោមផ្ទះពេលទៅដល់មុខផ្ទះក៏បានឃើញឈ្មោះផាំង គាម ចងកនឹងភ្នាក់ដៃជណ្តើនៅនឹងផ្ទះរបស់ខ្លួន ហើយក៏ប្រញាប់រត់មកប្រាប់ឲ្យអ្នកជិតខាងមកជួយពេលដែលអ្នកជិតខាងមកដល់ក៏បាននាំគ្នាជួយស្រាយខ្សែតែឈ្មោះ ផាំង គាម បានស្លាប់បាត់ទៅហើយមិនដឹងពីពេលណានោះទេ ។
លោកវរសេនីយ៍ឯក មាស ប្ញទ្ធី បានបន្តថា ក្រោយពីទទួលបានព័ត៌មាន បានបង្កើតគណៈកម្មការចុះទៅត្រួតពិនិត្យនៅកន្លែងកើតហេតុ ដែលមានសមាសភាពកម្លាំងនគរបាលជំនាញនគរបាលព្រហ្មទណ្ឌ, នគរបាលផ្នែកពិនិត្យនិងវិភាគកន្លែងកើតហេតុ នគរបាលប៉ុស្តិ៍ឈ្នួរមានជ័យ គ្រូពេទ្យមណ្ឌលសុខភាពឃុំឈ្នួរមានជ័យ និងអាជ្ញាធរភូមិ,ឃុំ ។ ឆ្លងតាមការបំភ្លឺរបស់ឈ្មោះ ស៊ុម ស្រីប៉ាន ភេទស្រី អាយុ២២ឆ្នាំ ត្រូវជាបងប្អូនជីដូនមួយបានប្រាប់ថា ឈ្មោះ ផាំង គាម មានជំងឺសរសៃប្រសាទជាយូរឆ្នាំមកហើយ។
តាមការត្រួតពិនិត្យសពបានបញ្ជាក់ថា លើខ្លួនប្រាណសាកសព ឃើញមានស្នាមជាំខ្មៅនៅផ្នែកបំពងកក្រវ៉ាតមកក្រោមទងត្រចៀកស្តាំគំនួចនៅក្រោមចង្កា ។ ដូច្នេះការស្លាប់របស់ឈ្មោះ ផាំង គាម គឺពិតជាបានចងកធ្វើអត្តឃាតខ្លួនឯងពិតមែនមិនជាប់ពាក់ព័ន្ធអំពើឃាតកម្មទេ ៕
មតិយោបល់