ភ្នំពេញៈ ដីកាបង្គាប់ឲ្យមន្ត្រីពន្ធនាគារ ព្រៃសនាំខ្លួន លោកតាន់ ឫទ្ធី មកសាកសួរ លើសំណុំរឿង ឆបោក និងរំលោភ ទំនុកចិត្ត នៅព្រឹកថ្ងៃទី១០ ខែសីហា ឆ្នាំ២០១៦ របស់លោក ស្រី ម៉ាកនី តំណាង អយ្យការ សាលាដំបូង រាជធានីភ្នំពេញ ត្រូវគ្មានន័យ ខណៈជនត្រូវចោទ ត្រូវបានតុលាការថ្នាក់លើ អនុញ្ញាតឲ្យជនជាប់ សង្ស័យឈ្មោះ តាន់ ឫទ្ធី បានរស់នៅក្រៅឃុំ យ៉ាង រំភើយតាំងពីថ្ងៃទី២២ ខែកក្កដា ឆ្នាំ២០១៦ហើយ។

លោកឧត្តមសេនីយ៍ផ្កាយ២ តាន់ ឫទ្ធី នាយករងទីចាត់ការ បុគ្គលិក ក្រសួងការពារជាតិ បានរងបណ្តឹងពី ជនរងគ្រោះ ចំនួន ៥នាក់ពាក់ព័ន្ធ អំពើឆបោក ប្រា ក់ជាង ៣២ ម៉ឺនដុល្លារ។

ដើមបណ្តឹងនៃសំណុំរឿងនេះទី ១. ឈ្មោះ លឹម ហៃ, ទី២. ឈ្មោះ ចាន់ ក្រឹម , ទី៣. ឈ្មោះ គង់ រាំង , ទី៤. ឈ្មោះ ហេង ប៊ុន សៀ , និងទី៥. ឈ្មោះ អ៊ឹង សាន។

ដើមបណ្តឹងបាន ប្រាប់ក្រុម អ្នកសារព័ត៌មានថា ពួកគាត់ត្រូវ ឧត្តមសេនីយ៍ផ្កាយ២ តាន់ ឫទ្ធី បោកប្រាស់ អស់ប្រាក់ រាប់ម៉ឺន និងអ្នកខ្លះទៀតដល់ រាប់សែន ដុល្លារក្នុងរឿងទិញលក់ដី ។ ពួកគាត់បន្តថា ឧត្តម សេនីយ៍ ផ្កាយ២ តាន់ ឫទ្ធី បានទទួលលុយ កក់ថ្លៃ ដី ពីពួកគាត់ ប៉ុន្តែគ្មានដី ហើយដី ដែលឧត្តម សេនីយ៍ផ្កាយ២ តាន់ ឫទ្ធី បង្ហាញកាលពី កក់ ប្រាក់ គឺមានម្ចាស់ កម្មសិទ្ធ ថ្មីទៅហើយ ។ ដោយសារតែ ឧត្តមសេនីយ៍ផ្កាយ ២ តាន់ ឫទ្ធី បានលួចដី ពួកគាត់ លក់ បែបនេះហើយ ទើបពួកគាត់ នាំគ្នាប្តឹងពី ឈ្មោះនេះ ពីបទ ឆបោក មកសាលាដំបូង រាជធានី ភ្នំពេញឲ្យឃាត់ខ្លួន និង ឃុំខ្លួនជា បណ្តោះអាសន្ន៕