សៀមរាប: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា នៅថ្ងៃទី០៤ ខែធ្នូ ឆ្នាំ២០២០ វេលាម៉ោង ៣និង០០នាទីមានករណីលេងល្បែងស៊ីសងដោយខុសច្បាប់(អាប៉ោង) នៅចំណុចព្រៃក្រោយផ្ទះឈ្មោះ តាប៉ក់ ស្ថិតនៅភូមិកំព្រហ្ម ឃុំឃុនរាម ស្រុកបន្ទាយស្រី ខេត្តសៀមរាប។

ក្នុងប្រតិបត្តិការនេះ សមត្ថកិច្ចបានធ្វើការឃាត់ខ្លួនជនសង្ស័យចំនួន ០៤នាក់ និងដកហូតបានវត្ថុតាងមួយចំនួន៖
១.ឈ្មោះ ម៉ៅ ចិន ភេទស្រី អាយុ ៤៤ឆ្នាំ រស់នៅភូមិកំព្រហ្ម ឃុំឃុនរាម ស្រុកបន្ទាយស្រី ខេត្តសៀមរាប (ទទួលសារភាពថា ពិតជាបានលេងពិតប្រាកដមែន) ។
២.ឈ្មោះ ឡាយ សៀវហុង ភេទស្រី អាយុ ៤២ឆ្នាំ រស់នៅភូមិខ្នាររង្វាស់ ឃុំឃុនរាម ស្រុកបន្ទាយស្រី ខេត្តសៀមរាប (អ្នកលេង) ។
៣.ឈ្មោះ សួន សាវួន ភេទស្រី អាយុ ៥៨ឆ្នាំ រស់នៅភូមិកំព្រហ្ម ឃុំឃុនរាម ស្រុកបន្ទាយស្រី ខេត្តសៀមរាប (អ្នកលេង) ។
៤.ឈ្មោះ ព្រឿន សឿន ភេទប្រុស អាយុ ៣៩ឆ្នាំ រស់នៅភូមិកំព្រហ្ម ឃុំឃុនរាម ស្រុកបន្ទាយស្រី ខេត្តសៀមរាប(អ្នកលេង) ។

វត្ថុតាងដកហូតបានរួមមាន :
–កម្រាលភ្នែកអាប៉ោងមួយ
–ចានអាប៉ោងដែលមានកម្របពណ៍ខៀវមួយ ។

ក្រោយពីធ្វើកិច្ចសន្យា និងអប់រំណែនាំរួច សមត្ថកិច្ចបានអនុញ្ញាតឲ្យត្រឡប់ទៅគេហដ្ឋានវិញ ៕