ភ្នំពេញៈ កាលពីវេលាម៉ោង ២និង១០នាទីរសៀលថ្ងៃទី១៣ ខែធ្នូ ឆ្នាំ២០២០ មានករណីកង់បីម៉ូតូ បណ្ដាលឲ្យបុរសម្នាក់ស្លាប់ ស្ថិតតាមបណ្តោយផ្លូវ ព្រះស៊ីសុវត្ថិ មុខសណ្ឋាគារកាំបូឌីយ៉ាណា ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។
ជនរងគ្រោះឈ្មោះ ស៊ូ លី ភេទប្រុស អាយុ ៣៤ឆ្នាំ មានមុខរបរសន្តិសុខ បច្ចុប្បន្នស្នាក់នៅសង្កាត់ទឹកថ្លា ខណ្ឌសែនសុខ ជិះម៉ូតូហុងដាឌ្រីម សេ១២៥ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ 1FO-9942 ។
ដំណើររឿង៖ យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញជនរងគ្រោះ បើកបរម៉ូតូតាមបណ្ដោយផ្លូវខាងលើ ស្របទិសគ្នាជាមួយម៉ូតូកង់បី ហើយក៏ត្រូវម៉ូតូកង់បីនោះ បើកមកពីក្រោយកៀរ បណ្ដាលឲ្យដួលបោកក្បាលស្លាប់មួយរំពេច យ៉ាងអាណោចអាធ័ម បន្សល់ទុកកូន និងប្រពន្ធទើបសម្រាល ឲ្យកំព្រា ករណីនេះ បន្ទាប់ពីកើតហេតុភ្លាមៗម៉ូតូកង់បីបន្ថែមល្បឿនបើករត់គេចបាត់ស្រមោល។
ក្រោយពីកើតហេតុសមត្ថកិច្ច ចុះដល់ទីតាំងវាស់វែង និងស្វែងរកសាច់ញាតិ ដើម្បីប្រគល់សពជូន យកទៅធ្វើបុណ្យតាមប្រពៃណី៕
![](https://i0.wp.com/cdn.pnm.news/2020/12/postnews.com.kh.2020-12-14_09-58-09.jpg?resize=640%2C853&ssl=1)
![](https://i0.wp.com/cdn.pnm.news/2020/12/postnews.com.kh.2020-12-14_09-58-15.jpg?resize=640%2C480&ssl=1)
![](https://i0.wp.com/cdn.pnm.news/2020/12/postnews.com.kh.2020-12-14_09-58-21.jpg?resize=640%2C853&ssl=1)
មតិយោបល់