ផ្ទះ ព័ត៌មានជាតិ គួរឲ្យអាសូរណា...

គួរឲ្យអាសូរណាស់! ស្ត្រី​ម្នាក់​ជិះម៉ូតូប៉ះទង្គិចរថយន្ត បណ្តាលឲ្យដួលស្លាប់ នៅខេត្តកំពង់ស្ពឺ​

0

​កំពង់ស្ពឺ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ស្ត្រី​ម្នាក់​ជួប​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​ នៅ​លើ​កំណាត់​ ផ្លូវជាតិ​លេខ​៤​ ចន្លោះ​គីឡូម៉ែត្រ​ ៤៩-៥០​ ស្ថិត​ក្នុងភូមិ​ព្រៃ​ស្លឹក​ សង្កាត់​ច្បារមន​ ក្រុង​ច្បារមន​ ខេត្តកំពង់ស្ពឺ​ វេលា​ម៉ោង​១៧​និង​៤៥​នាទី​ ថ្ងៃ​តី​១៩​ ខែធ្នូ​ ឆ្នាំ​២០២០​ ។​

​ជន​រង​គ្រោះ​មានឈ្មោះ​ មា​ជ​ ទន់​ អាយុ​៣០​ឆ្នាំ​ មាន​ទីលំនៅ​ភូមិ​សង្កែ​ជ្រុំ​ ឃុំ​រស្មី​សាមគ្គី​ ស្រុក​ឱ​រ៉ា​ល់​ ខេត្តកំពង់ស្ពឺ​ បើក​ម៉ូតូ​ម៉ាក​ស្គូ​ពី​ ពណ៌​ស​ ពាក់ផ្លាក​លេខ​ភ្នំពេញ​ 1E-2767​ ។​

​ប្រភព​ព័ត៌មាន​បាន​ឲ្យ​ដឹង​ថា​ មុន​ពេល​កើតហេតុ​ជន​រង​គ្រោះ​បើក​ម៉ូតូ​ក្នុង​ទិស​ដៅ​ពី​កើត​ទៅ​លិច​ ។​ ពេល​មក​ដល់​ចំណុច​កើតហេតុ​ បាន​ប៉ះទង្គិច​ជាមួយ​រថយន្ត​ធ្វើ​ដំណើរ​បញ្ច្រាសទិស​គ្នា​ បណ្តាល​ឲ្យ​ភាគី​បើក​ម៉ូតូ​ស្លាប់​នៅ​កន្លែង​កើតហេតុ​ ភ្លាម​នោះ​ រថយន្ត​បាន​បើក​គេចខ្លួន​ទៅ​ទិស​ខាងកើត​បាត់​ស្រមោល​ ។​

​ក្រោយ​កើតហេតុ​ សមត្ថកិច្ច​នគរបាល​បាន​ចុះ​ពិនិត្យ​និង​វាស់វែង​កន្លែង​កើតហេតុ​ រួច​ប្រគល់​សាកសព​ឲ្យ​ក្រុម​គ្រួសារ​ធ្វើបុណ្យ​បាន​ប្រពៃណី​ ។​ ចំណែក​ម៉ូតូ​បាន​នាំ​យក​ទៅ​រក្សា​ទុក​នៅ​ កា​រិ​យា​ល័យ​ចរាចរណ៍​ខេត្តកំពង់ស្ពឺ​សម្រាប់​ធ្វើការ​តាម​នីតិវិធី​បន្ត​ ៕

មតិយោបល់