ព័ត៌មានជាតិ

Update៖ កម្លាំង​នគរបាល​ព្រហ្មទណ្ឌ​កម្រិត​ធ្ងន់​ សហការ​ស្រាវជ្រាវ​ឃាត់ខ្លួន​បុរស​ម្នាក់​ ករណី​ប៉ុនប៉ង​មនុស្សឃាត​នៅ​ក្រុង​តា​ខ្មៅ​

​ស្វាយ​រៀង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បុរស​ម្នាក់​ត្រូវ​បាន​កម្លាំង​នគរបាល​ព្រហ្មទណ្ឌ​កម្រិត​ធ្ងន់​ សហការ​ស្រាវជ្រាវ​ឃាត់​បាន​នៅ​ខេត្តស្វាយរៀង​ បន្ទាប់​ធ្វើ​សកម្មភាព​ប៉ុនប៉ង​អំពើ​ឃាតកម្ម​នៅ​ក្រុង​តា​ខ្មៅ​ ខេត្តកណ្តាល​ ។​

​សមត្ថកិច្ច​បាន​ឲ្យ​ដឹង​ថា​ នៅ​ព្រឹក​ថ្ងៃ​ទី​២០​ ខែធ្នូ​ ឆ្នាំ​២០២០​នេះ​ លោក​ឧត្តមសេនីយ៍ត្រី​ កុយ​ សុភាព​ បាន​ដឹកនាំ​កម្លាំង​ជំនាញ​ការិយាល័យ​ព្រហ្មទណ្ឌ​កម្រិត​ធ្ងន់​ និង​កម្លាំង​អធិការដ្ឋាន​គ​របាល​ស្រុក​កំពង់​រោ​ទិ៍​ សហការ​ជាមួយ​សមត្ថកិច្ច​នគរបាល​ខេត្តកណ្តាល​ ដឹកនាំ​ដោយ​លោក​ ឧត្តម​សេនី​យ៏​ត្រី​ រឿ​ន​ ណា​រ៉ា​ ស្នងការ​រង​ទទួល​ផែន​ការងារ​នគរបាល​ព្រហ្មទណ្ឌ​ ដោយ​មានការ​សម្របសម្រួល​ពី​ព្រះរាជអាជ្ញា​អម​សាលាដំបូង​ខេត្តស្វាយរៀង​ បាន​ស្រាវជ្រាវ​ឃាត់ខ្លួន​បុរស​ម្នាក់​ឈ្មោះ​ ឆាយ​ សា​លាភ​ អាយុ​៣៦​ឆ្នាំ​ ជនជាតិ​ខ្មែរ​ មុខរបរ​លក់​ផលិតផល​តាម​អន​ឡាញ​ មាន​ទីលំនៅ​ភូមិ​ព្រែក​ខ្សេវ​ សង្កាត់​រកា​ខ្ពស់​ ក្រុង​តា​ខ្មៅ​ ខេត្តកណ្តាល​ ដែល​បាន​ប្រព្រឹត្ត​អំពើ​ប៉ុនប៉ង​ឃាតកម្ម​កាលពី​ថ្ងៃ​ទី​១៩​ ខែធ្នូ​ ឆ្នាំ​២០២០​ នៅ​ភូមិ​ព្រែក​ខ្សេវ​ សង្កាត់​រកា​ខ្ពស់​ ក្រុង​តា​ខ្មៅ​ ខេត្តកណ្តាល​ ។​

​បន្ទាប់​ពី​ធ្វើ​សកម្មភាព​ ជនសង្ស័យ​បាន​គេច​មក​លាក់ខ្លួន​នៅផ្ទះ​របស់​ឈ្មោះ​ ម៉ា​ ឈិ​ត​ ហៅ​យុ​ ភេទ​ប្រុស​ នៅ​ភូមិ​ត្រពាំង​ត្រាច​ ឃុំ​ស្វាយ​តា​យាន​ ស្រុក​កំពង់​រោ​ទិ៍​ ខេត្តស្វាយរៀង​ ។​ ក្នុង​ពេល​ឃាត់ខ្លួន​ សមត្ថកិច្ច​បាន​ដកហូត​ ម៉ូតូ​មួយ​គ្រឿង​ម៉ាក​ស៊ី​រូស​ ពណ៌​ខ្មៅ​តែម​ក្រហម​ ពាក់ផ្លាក​លេខ​វៀតណាម​ 84-G1​ 019.40​ និង​ទូរស័ព្ទ​មួយ​គ្រឿង​ម៉ាក​ហា​វ៉េ​ពណ៌​ខ្មៅ​ ។​

​បច្ចុប្បន្ន​ ជន​ជនសង្ស័យ​បាន​បញ្ជូន​មក​ដល់​ការិយាល័យ​ជំនាញ​ខេត្ត​ ដើម្បី​បំពេញ​នីតិវិធី​ប្រគល់​ជូន​សមត្ថកិច្ច​នគរបាល​ខេត្តកណ្តាល​ ចាត់ការ​តាម​ច្បាប់​ ៕

មតិយោបល់