ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បុរសម្នាក់ត្រូវបានកម្លាំងនគរបាលខណ្ឌដូនពេញសហការស្រាវជ្រាវឃាត់ខ្លួនពាក់ព័ន្ធករណីលួចមានស្ថានទម្ងន់ទោស (យកដាវកែច្នៃគំរាមកាប់យកខ្សែក) ។
ករណីនេះបានកើតឡើងកាលពីថ្ងៃទី១៩ ខែធ្នូ ឆ្នាំ២០២០ វេលាម៉ោង០១ និង៣០នាទី នៅចំណុចផ្ទះសំណាក់យីហោ បេ៩ ផ្ទះលេខបេ៩ ផ្លូវលេខ៨៦ ភូមិ៧ សង្កាត់ស្រះចក ។
ក្រោយហេតុការណ៍កើតឡើង ជនរងគ្រោះក៏បានមកដាក់ពាក្យបណ្តឹងនៅប៉ុស្តិ៍នគរបាលចតុមុខ កម្លាំងជំនាញខណ្ឌ និងប៉ុស្តិ៍បានធ្វើការស្រាវជ្រាវរហូតដល់វេលាម៉ោង១៥ និង៣០នាទី ថ្ងៃទី២១ ខែធ្នូ ឆ្នាំ២០២០ បានធ្វើការឃាត់ខ្លួនជនសង្ស័យម្នាក់ឈ្មោះ ជួន បញ្ញា ភេទប្រុស អាយុ២៨ឆ្នាំ នៅចំណុចផ្ទះជួល ផ្លូវលេខ៨៦ ភូមិ២២ សង្កាត់ស្រះចក រួមនឹងវត្ថុតាងដកហូតមាន ៖ដាវកែច្នៃចំនួន ០១ដើម, ផ្លាកលេខរថយន្តចំនួន ០១សន្លឹក, ឧបករណ៍សម្រាប់កាច់សោកម៉ូតូចំនួន០១កំប្លេរ ។
ករណីនេះ កម្លាំងជំនាញខណ្ឌដូនពេញ បានកសាងសំណុំរឿងបញ្ជូន ដើម្បីអនុវត្តបន្តតាមនីតិវិធី ៕
មតិយោបល់