(បន្ទាយមានជ័យ)៖ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយទ្ធប្រឆាំងគ្រឿងញៀន នៅព្រឹកថ្ងៃទី២៩ខែមីនាឆ្នាំ២០១៦នេះបានអញ្ជើញជួបសំណេះសំណាលសួរសុខទុក្ខនិងប្រគល់ផ្ទះចំនួន១៨៩ខ្នងជូនដល់ប្រជាពលរដ្ឋក្រីក្រក្នុងឃុំចំនួន៦ក្នុងស្រុកភ្នំស្រុកខេត្តបន្ទាយមានជ័យ។ពិធីនោះបានប្រព្រឹត្តទៅនៅក្នុងបរិវេណវត្តណាំតៅ ស្ថិតក្នុងភូមិ-ឃុំណាំតៅ ស្រុកភ្នំស្រុក។ សូមបញ្ជាក់ថាចំពោះគ្រួសារក្រីក្រដែលទទួលបានលំនៅដ្ឋានថ្មីនាពេលនោះគឺក្នុងមួយខ្នងផ្ទះទទួលបានបន្ថែមនូវកន្ទេលមួយ មុងមួយ ឆ្នាំងមួយចានបាយ៦ ចានសម្ល៦ស្លាបព្រា១២ទឹកស៊ីទឹកត្រី២យួរ អំបិលអ៉ីយ៉ូតមួយកញ្ចប់ ប៊ីចេងមួយកញ្ចប់ នំធុងមួយធុងថវិកា២ម៉ឺនរៀល។
ថ្លែងសំណេះសំណាលក្នុងឱកាសនោះ លោកឧបនាយករដ្ឋមន្ត្រី កែ គឹមយ៉ាន បាន ពាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាដែលជានិច្ចកាលសម្តេចទាំងពីរតែងតែបានគិតគូរពីសុខទុក្ខរបស់បងប្អូនប្រជាពលរដ្ឋនៅគ្រប់មូលដ្ឋាន។លោកឧបនាយករដ្ឋមន្ត្រី បានថ្លែងបន្តថាដោយអនុវត្តន៍តាមគោលនយោបាយកំណែទម្រង់ស៊ីជម្រៅរបស់រាជរដ្ឋាភិបាលកម្ពុជានិងដោយមើលឃើញពីការលំបាករបស់ប្រជាពលរដ្ឋដែលមិនទាន់មានទីលំនៅសមរម្យពិសេសដើម្បីកាត់បន្ថយភាពក្រីក្រ ក្នុងនាមលោកជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យបានដាក់ផែនការប្រែក្លាយផ្ទះស្បូវទៅជាផ្ទះប្រក់ស័ង្កសី។ជាមួយនឹងការអនុវត្តន៍នេះបើតាមតួរលេខថាផ្ទះស្បូវដែលត្រូវកែប្រែនូវទូទាំងខេត្តមានប្រមាណជា៣ពាន់ខ្នង។ហើយផែនការនេះបានអនុវត្តដំណាក់កាលទីមួយដែលនឹងត្រូវឲ្យហើយរួចរាល់មុនឱកាលចូលឆ្នាំខ្មែរនេះគឺ១៦៦០ខ្នងដែលមួយខ្នងត្រូវចំណាយក្នុងការទិញឈើគឺមួយខ្នង៦០ម៉ឺនរៀល។
ជាមួយនោះដែរលោកឧបនាយករដ្ឋមន្ត្រីក៏បានផ្តាំផ្ញើដល់ប្រជាពលរដ្ឋ ក្រៅពីបង្កបង្កើនស្រូវត្រូវដាំដុះវន្លែបង្ការួមផ្សំផងព្រោះបច្ចុប្បន្នកម្ពុជាបានចំណាយលុយច្រើនដើម្បីទិញបន្លែពីប្រទេសជិតខាង និងបានជំរុញអាជ្ញាធរសមត្ថកិច្ចឲ្យបំរើសេវាសាធារណះនិការពារសន្តិសុខសណ្តាប់ធ្នាប់ជូនប្រជាពលរដ្ឋឲ្យបានប្រសើរ។
មតិយោបល់