កំពង់ស្ពឺៈ កាលពីវេលាម៉ោង ៧ និង៤០នាទីយប់ថ្ងៃទី២៦ ខែធ្នូ ឆ្នាំ២០២០ លើផ្លូវលេខ ១៤០ ស្ថិតក្នុងភូមិកែវមន្នី ឃុំសំរោងទង ស្រុកសំរោងទង មានករណីគ្រោះថ្នាក់ចរា ចរណ៍មួយ បណ្ដាលឲ្យស្លាប់មនុស្សម្នាក់។

ម៉ូតូបង្កម៉ាកស្កុបពី ពណ៌ស ផ្លាកលេខ កំពត 1B-6541 អ្នកបើកបរឈ្មោះ ឈុំ ភារម្យ ភេទ ប្រុស អាយុ៣១ឆ្នាំ រស់នៅភូមិកែវមន្នី ឃុំសំរោងទង ស្រុកសំរោងទង ខេត្តកំពង់ស្ពឺ របួសធ្ងន់ ។ ចំណែកម៉ូតូ១គ្រឿងទៀត ម៉ាកហុងដាសេ125 ពណ៌ខ្មៅ ពាក់ផ្លាកលេខ កំពង់ឆ្នាំង 1D-4541 អ្នកបើកបរឈ្មោះ សុខ រ៉ន ភេទប្រុស អាយុ៥៣ឆ្នាំ រស់នៅភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ (ស្លាប់) ។

មូលហេតុ៖ ម៉ូតូទាំង២គ្រឿង បើកបរមិនប្រកាន់ស្ដាំ ដោយម៉ូតូស្កុបពី បើកចូលទៅចំណែកផ្លូវខាងម៉ូតូឌ្រីម ជាហេតុបង្កឲ្យមានគ្រោះថ្នាក់នេះទ្បើង។

ក្រោយកើតហេតុ វត្ថុតាង ត្រូវបានសមត្ថកិច្ច បញ្ជូនយកទៅអធិការដ្ឋាននគរបាលស្រុកសំរោងទង ដើម្បីកសាងសំណុំរឿង ចាត់ការតាមផ្លូវច្បាប់៕