បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កម្លាំងការិយាល័យនគរបាលព្រហ្មទណ្ឌកម្រិតធ្ងន់ សហការជាមួយកម្លាំងអធិការដ្ឋាននគរបាលក្រុងបាត់ដំបង អនុវត្តដីកាបង្គាប់ឲ្យនាំខ្លួនលេខ៦៨៥ត.ព្រ ចុះថ្ងៃទី៥ ខែសីហា ឆ្នាំ២០២០ របស់ចៅក្រមស៊ើបសួរសាលាដំបូងខេត្ត បង្គាប់ឲ្យនាំខ្លួនឈ្មោះ ថន ឧត្តម ហៅហ្វុង ភេទប្រុស អាយុ ២១ឆ្នាំ រស់នៅភូមិស្ពានកណ្តោល ឃុំបវេល ស្រុកបវេល ពីបទប៉ុនប៉ងរំលោភសេពសន្ថវ:មានស្ថានទម្ងន់ទោសទាក់ទងនឹងជនរងគ្រោះ ប្រព្រឹត្តនៅភូមិបវេល១ ឃុំបវេល ស្រុកបវេល កាលពីថ្ងៃទី៨ ខែកក្កដា ឆ្នាំ២០១៧ ។
ជនត្រូវចោទត្រូវបានសមត្ថកិច្ចឃាត់ខ្លួននៅថ្ងៃទី២៨ ខែធ្នូ ឆ្នាំ២០២០ វេលាម៉ោង១០និង៣០នាទី នៅភូមិកម្មករ សង្កាត់ស្វាយប៉ោ ក្រុងបាត់ដំបង ។
ជន ត្រូវចោទត្រូវបានកម្លាំងជំនាញកសាងសំណុំរឿងបញ្ជូនទៅអយ្យការអមសាលាដំបូងខេត្តអនុវត្តតាមនីតិវិធី ៕
មតិយោបល់