ផ្ទះ ព័ត៌មានជាតិ នគរបាល​ស្រុក​...

នគរបាល​ស្រុក​ពញាឮ​ឃាត់ខ្លួន​បុរស​ស្ត្រី ​៣​នាក់​ ករណី​បង្ក​អំពើ​ហិង្សា​ដោយ​ចេតនា​

0

​កណ្តាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរស​-​ស្ត្រី​ ៣​នាក់​ត្រូវ​បាន​កម្លាំង​នគរបាល​ស្រុក​ពញាឮ​ឃាត់ខ្លួន​ ពាក់ព័ន្ធ​ករណី​ប្រព្រឹត្ត​អំពើ​ហិង្សា​ដោយ​ចេតនា​ នៅ​ថ្ងៃ​ទី​២៨​ ខែធ្នូ​ ឆ្នាំ​២០២០​ វេលា​ម៉ោង​៨​និង​៣០​នាទី​ចំណុច​ ភូមិ​ព្រែក​ល្វា​ ឃុំ​ពញាឮ​ ស្រុក​ពញាឮ​ ខេត្តកណ្តាល​ ។​

​ជន​រង​គ្រោះ​មានឈ្មោះ​ ចាន់​ ធី​ ភេទ​ស្រី​ អាយុ​ ៤០​ឆ្នាំ​ ជនជាតិ​វៀតណាម​ មុខរបរ​ លក់​ត្រី​ មាន​ទីលំនៅ​ភូមិ​ ព្រែក​ល្វា​ ឃុំ​ពញាឮ​ ស្រុក​ពញាឮ​ ខេត្តកណ្តាល​ ។​

​ជន​ដៃដល់​មានឈ្មោះ​ ១.​ឈ្មោះ​ ង្វៀ​ង​ ធី​ធឿ​ង​ ភេទ​ស្រី​ អាយុ​២៨​ ឆ្នាំ​ ជនជាតិ​ វៀតណាម​ មុខរបរ​ បុគ្គលិក​ក្រុមហ៊ុន​ផ្នែក​លក់​ ,​ ២-​ឈ្មោះ​ង្វៀ​ង​ យ៉ាំង​ដាង​ ភេទ​ ប្រុស​អាយុ​៥៤​ឆ្នាំ​ជនជាតិ​វៀតណាម​ មុខរបរ​ នេសាទ​ និង​៣.​ឈ្មោះ​ ង្វៀ​ង​ ធី​លែរ​ ភេទ​ ស្រី​ អាយុ​៥០​ឆ្នាំ​ ជនជាតិ​ វៀតណាម​ មុខរបរ​ នេសាទ​ ។​ អ្នក​ទាំង​០៣​នាក់​មាន​ទីលំនៅ​ភូមិ​ព្រែក​ល្វា​ ឃុំ​ពញាឮ​ ស្រុក​ពញាឮ​ ខេត្តកណ្តាល​ ។​

​ប្រភព​ព័ត៌មាន​បាន​ឲ្យ​ដឹង​ថា​ មុន​ពេល​កើតហេតុ​ នៅ​ថ្ងៃ​ ខែ​ ឆ្នាំ​ វេលា​ម៉ោង​កើតហេតុ​ខាងលើ​ ជន​រង​គ្រោះ​ឈ្មោះ​ ចាន់​ ធី​ និង​កូនស្រី​ឈ្មោះ​ ជិន​ គី​ម​លី​ អាយុ​១៨​ឆ្នាំ​ បាន​ដើរ​ឡើង​ពី​ប៊ែ​ផ្ទះទឹក​ទៅ​លើគោក​ ក្នុង​គោលបំណង​ ដើម្បី​ទៅ​ចូលរួម​តាម​ការ​កោះហៅ​របស់​លោក​មេឃុំ​ពញាឮ​ ពី​បញ្ហា​ជម្លោះ​រឿង​ កំប្លោក​នៅ​មាត់​ទ​ន្ល​ជាមួយ​ក្រុម​គ្រួសារ​ របស់​ឈ្មោះ​ ង្វៀ​ង​ យ៉ាំង​ដាង​ និង​ប្រពន្ធ​ឈ្មោះ​ ង្វៀ​ង​ ធី​ល៊ែ​រ​ ។​ ក្នុង​ពេល​នោះ​ជន​រង​គ្រោះ​ឈ្មោះ​ ចាន់​ ធី​ បាន​ដើរ​ពីក្រោយ​កូនស្រី​​ឈ្មោះ​ ជិន​ គី​ម​លី​ ពេល​ដើរទៅ​យក​ម៉ូតូ​ ស្រប​ពេល​នោះ​ជន​រង​គ្រោះ​បាន​​ដើរ​ស្តោះ​ទឹកមាត់​ចោល​ ខណ:នោះ​ស្រាប់តែ​ជនសង្ស័យ​ខាងលើ​ និង​បក្ខពួក​ បាន​នាំ​គ្នា​ស្ទុះ​ទៅ​ព្រួត​វាយ​ទៅ​លើ​ជន​រង​គ្រោះ​ឈ្មោះ​ចាន់​ ធី​ បណ្តាល​ឲ្យ​រង​របួស​ផ្ទៃមុខ​ និង​មាន​ស្នាម​ក្រចក​ ឆូត​ ហូរ​ឈាម​
​ក៏​មាន​អ្នក​ជិតខាង​ចូល​ជួយ​ឃាត់​បំបែកចេញ​ ។​ បន្ទាប់​មក​ប្តី​របស់​​ជន​រង​គ្រោះ​ឈ្មោះ​ ង្វៀ​ង​ យ៉ាំង​តាំ​ បាន​រត់ឡើង​ប៊ែ​រ​ផ្ទះទឹក​ឃើញ​សភាព​​ប្រពន្ធ​មាន​របួស​លើ​មុខ​ បាន​យក​ម៉ូតូឌុប​ជន​រង​គ្រោះ​ទៅ​ប្តឹង​នគរបាល​ប៉ុស្តិ៍​ពញាឮ​ រួច​ហើយ​បាន​ឌុ​ប​ជន​រង​គ្រោះ​បន្ត​ទៅ​ព្យាបាល​នៅ​មន្ទីរពេទ្យ​​កំពង់ហ្លួង​ដើម្បី​សម្រាក​ព្យាបាល​ ។​

​កម្លាំង​ប៉ុស្តិ៍​នគរបាល​រដ្ឋបាល​ពញាឮ​ បាន​ចុះ​ទៅ​ដល់​ កន្លែង​កើតហេតុ​​ឃាត់ខ្លួន​ជនសង្ស័យ​ខាងលើ​ បញ្ជូន​មក​អធិការដ្ឋាន​នគរបាល​ស្រុក​ពញា​​ឮ​ ដើម្បី​សាកសួរ​និង​បន្ត​ចាត់ការ​តាម​នីតិវិធី​ ៕

មតិយោបល់