ផ្ទះ ព័ត៌មានជាតិ ម៉ូតូបើកលឿន ដ...

ម៉ូតូបើកលឿន ដល់ចំណុចផ្លូវកោង ជ្រុលចង្កូតបុករថយន្ត បណ្តាលឲ្យមនុស្ស២នាក់ ស្លាប់និងរបួសធ្ងន់

0

​បន្ទាយ​មាន​ជ័យ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បុរស​ម្នាក់​បាន​ស្លាប់​នៅ​កន្លែង​កើតហេតុ​ និង​អ្នក​រួម​ដំណើរ​ម្នាក់​ទៀត​រង​របួសធ្ងន់​ ក្នុង​ហេតុការណ៍​គ្រោះថ្នាក់​ចរាចរណ៍​រវាង​រថយន្ត​និង​ម៉ូតូ​ ។​

​ហេតុការណ៍​គ្រោះថ្នាក់​ចរាចរណ៍​នេះ​ បាន​កើតឡើង​នៅ​វេលា​ម៉ោង​៥និង​០០​នាទី​ ថ្ងៃ​ទី​២២​ ខែមករា​ ឆ្នាំ​២០២១​ នៅ​ចំណុច​ផ្លូវ​កោង​លើ​កំណាត់​ផ្លូវ​ក្រាល​កៅស៊ូ​ ឃុំ​រហាត់ទឹក​ ស្រុក​មង្គល​បូ​រី​ ខេត្តបន្ទាយមានជ័យ​ ។​

​លោក​វរសេនីយ៍ទោ​សួន​ នី​ប៉ូ​ នាយ​រង​ការិយាល័យ​ នគរបាល​ចរាចរណ៍​បាន​ឲ្យ​ដឹង​ថា​ ​ម៉ូតូ​ម៉ាក​ហុងដា​ឌ្រី​ម​ ពណ៌​ក្រហម​ ពាក់​ផ្លាក​លេខ​ ប​.​មាន​ជ័យ​ 1H-1303​ បើកបរ​ដោយ​ឈ្មោះ​ រឿង​ រ៉ា​វុ​ធ​ ភេទ​ប្រុស​ អាយុ​៣០​ឆ្នាំ​ នៅ​ភូមិ​ត្រ​សេក​ជុំ​ ឃុំ​ម៉ា​ឡៃ​ ស្រុក​ម៉ា​ឡៃ​ ខេត្តបន្ទាយមានជ័យ​ អ្នក​រួម​ដំណើរ​ឈ្មោះ​ គល់​ ផា​នី​ ភេទ​ប្រុស​ អាយុ​ ២៩​ឆ្នាំ​ នៅ​ភូមិ​រង្វាន់​លិច​ ឃុំ​ចំណោម​ ស្រុក​មង្គល​បូ​រី​ ខេត្តបន្ទាយមានជ័យ​ ។​

​លោកនាយ​រង​ការិយាល័យ​ បាន​បញ្ជាក់​ថា​ នៅ​មុន​ពេល​កើតហេតុ​ ភាគី​ម៉ូតូ​ធ្វើ​ដំណើរ​ក្នុង​ទិស​ដៅ​ពី​លិចទៅ​កើត​ ក្នុង​ល្បឿន​លឿន​ ។​ លុះ​មក​ដល់​ចំណុច​កើតហេតុ​ ជា​ចំណុច​ផ្លូវ​កោង​ បាន​ជ្រុល​ចង្កូត​បុក​រថយន្ត​មួយ​គ្រឿង​ម៉ាក​នី​សាន់​ ប្រភេទ​ដឹក​ទំនិញ​ពណ៌​បៃតង​ ពាក់ផ្លាក​លេខ​ បាត់ដំបង​ 2A-7217​ ធ្វើ​ដំណើរ​បញ្ច្រាសទិស​គ្នា​ចំ​ពីមុខ​ពេញទំហឹង​ បណ្តាល​ឲ្យ​អ្នក​បើក​ម៉ូតូ​ស្លាប់​នៅ​នឹង​កន្លែង​ ចំណែក​អ្នក​រួម​ដំណើរ​រង​របួសធ្ងន់​ ។​

បន្ទាប់​ពី​កើតហេតុ​ អ្នកបើកបរ​រថយន្ត​មិន​ស្គាល់​អត្តសញ្ញាណ​ បាន​រត់គេច​ខ្លួន​ បន្សល់​រថយន្ត​នៅ​កន្លែង​កើតហេតុ​ ។​

​បច្ចុប្បន្ន​ មធ្យោបាយ​ទាំង​២​គ្រឿង​ ត្រូវ​បាន​សមត្ថកិច្ច​ជំនាញ​យក​ទៅ​រក្សា​ទុក​នៅ​អធិការដ្ឋាន​នគរបាល​ស្រុក​មង្គល​បូ​រី​ ៕

មតិយោបល់