បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី២៥ ខែមករា ឆ្នាំ២០២១ វេលាម៉ោង ០៦និង០០នាទីព្រឹក កម្លាំងនគរបាលស្រុកគាស់ក្រឡ បានទទួលព័ត៌មានពីប្រជាជនក្នុងភូមិឲ្យដឹងថា មានករណីធ្វើឣត្តឃាត ដោយចងកសម្លាប់ខ្លួនកើតឡើងចំនួន ២លើក បណ្តាលឲ្យបុរស ២នាក់ ស្លាប់បាត់បងជីវិត ។
ករណីទី១ ៖ កើតឡើងនៅចំណុចភូមិព្រៃពពេល ឃុំគាស់ក្រឡ ស្រុកគាស់ក្រឡ ។ ជនរងគ្រោះឈ្មោះ ព្រំ សុភ័ក្រ ភេទប្រុស ឣាយុ ៣៣ឆ្នាំ រស់នៅភូមិឃុំខាងលើ។ តាមការសួរបំភ្លឺពីក្រុមគ្រួសារសាច់ញាតិបានបញ្ជាក់ឲ្យដឹងថា ជនរងគ្រោះមានវិបត្តិគ្រួសាររវាងប្តីប្រពន្ធ ព្រោះប្រពន្ធទៅរកស៊ីនៅភ្នំពេញ ។
ករណីទី២ ៖ កើតហេតុនៅចំណុចវត្តឆ្នាល់មាន់ ស្ថិតក្នុងភូមិឆ្នាល់មាន់ ឃុំឆ្នាល់មាន់ ស្រុកគាស់ក្រឡ ។ ជនរងគ្រោះឈ្មោះ ទុំ កូវិនដា ភេទប្រុស ឣាយុ៣០ឆ្នាំ រស់នៅភូមិព្រែកស្នោ ឃុំព្រែកខ្ពប ស្រុកឯកភ្នំ បានមកលេងឪពុកម្តាយដាក់ពោងលោតនៅវត្តឆ្នាល់មាន់។ ជនរងគ្រោះទី២នេះ គឺបណ្តាលមកពីវិបត្តិគ្រួសារព្រោះប្តីប្រពន្ធទើបតែលែងលះគ្នា ។
ដោយឆ្លងតាមការចុះត្រួតពិនិត្យនៅកន្លែងកើតហេតុ និងសាកសពរបស់ជនរងគ្រោះទាំងពីរនាក់ សមត្ថកិច្ចអាចសន្និដ្ឋានបានថា ជនរងគ្រោះពិតជាចងកសម្លាប់ខ្លួនស្លាប់ពិតប្រាកដមែន។
បច្ចុប្បន្ន សាកសពជនរងគ្រោះទាំងពីរនេះ ត្រូវបានគ្រួសារយកទៅធ្វើពិធីបុណ្យតាមប្រពៃណីទំនៀមទំលាប់ខ្មែរ ៕
មតិយោបល់