ព័ត៌មានជាតិ

ឡានដឹកទំនិញកៀររថយន្ដ Lexus470 រួចបើករត់ត្រូវម្ចាស់រថយន្តតាមទាន់ទារសំណង ២,៥០០ដុល្លារ

ភ្នំពេញ: យុវជនបុគ្គលិកក្រុមហ៊ុន TTM សេវាកម្មបោកអ៊ុតម្នាក់គេចម៉ោងការងារ ទៅបើករថយន្តក្រុមហ៊ុនដោយចិត្តឯង និងបង្កគ្រោះថ្នាក់បើកកៀររថយន្ដ LexusLX470 គេរងការខូចខាតមិនព្រមឈប់ដោះស្រាយ បែរជាព្យាយាមបើករត់ម្ចាស់រថយន្តរងគ្រោះ តាមទាន់ទារសំណងខូចខាតចំនួន ២,៥០០ដុល្លារ។

ហេតុការណ៍នេះដែលបានកើតឡើងកាលពីវេលាម៉ោង ៩និង៣០នាទីយប់ ថ្ងៃទី២៧ ខែមករា ឆ្នាំ២០២១ នៅតាមបណ្ដោយមហាវិថីសហព័ន្ធរុស្ស៊ី ចំណុចស្តុបក្តាន់ពីរ សង្កាត់ស្រះចក ខណ្ឌដូនពេញ រាជធានីភ្នំពេញ។

រថយន្ដបង្កម៉ាក KIABONGOiii ជាប្រភេទរថយន្តដឹកទំនិញពណ៌ស ពាក់ស្លាកលេខ ភ្នំពេញ 2AW-1831 ជារថយន្តរបស់របស់ក្រុមហ៊ុន TTM សេវាកម្មបោកអ៊ុត។

ប្រភពពីយុវជនបើករថយន្តបង្កបានប្រាប់ឲ្យដឹងថា រូបគេក៏ជាបុគ្គលិកនៅក្នុងក្រុមហ៊ុននោះ តែនៅផ្នែកផ្សេងហើយស្គាល់គ្នា ជាមួយអ្នកបើករថយន្តដឹកឥវ៉ាន់ក្រុមហ៊ុន។ ប្រភពដដែលបានបន្តថា ពេលតៃកុងរថយន្ដបើករថយន្តដឹកឥវ៉ាន់យកទៅឲ្យភ្ញៀវរូបគេ ក៏គេចម៉ោងកាងារលួចឡើងរថយន្ដសុំទៅជាមួយគេនិងបានសុំគេបើករថយន្តជំនួស ដោយយល់ថាជាអ្នកស្គាល់គ្នាតៃកុងរថយន្ដក៏ព្រមឲ្យបើក ខណ:ពេលធ្វើដំណើរតាមបណ្តោយមហាវិថីសហព័ន្ធរុស្ស៊ីទិសដៅពីកើតទៅលិច មកដល់ចំណុចមុខទីស្តីការគណ:រដ្ឋមន្ត្រីយុវជននោះ បើកវ៉ាគេក៏ងាកចង្កូតជ្រុលទៅកៀរនិងរថយន្ត lexusLX470 ពណ៌ទឹកប្រាក់ ពាក់ស្លាកលេខ ភ្នំពេញ 2J-9229 ដែលធ្វើដំណើរស្របទិសគ្នា បណ្តាលឲ្យខូចខាតក្រពឹតថ្ពាល់មុខខាងស្តាំធ្លាក់ស្តុបមួយចំហៀង ដោយភ័យស្លន់ស្លោយុវជនខាងលើ ក៏បន្ថែមល្បឿនរថយន្ដព្យាយាមរត់គេច ក៏ត្រូវម្ចាស់រថយន្តតាមឃាត់ទាន់នៅចំណុចស្តុបក្តាន់ពីរ បង្កការភ្ញាក់ផ្អើលដល់សមត្ថកិច្ចមូលដ្ឋាន ចុះជួយសម្របសម្រួល។ បន្ទាប់ពីបង្កហេតុអ្នកបើកបររថយន្តរងគ្រោះ បានទារសំណងខូចខាតចំនួន ២,៥០០ដុល្លារ ដើម្បីជាការព្រមានខ្លះដល់អ្នកបើកបរដែលគ្មានទំនួលខុសត្រូវ។ ចំណែកអ្នកយុវជនខាងលើ បានទាក់ទងទៅថៅកែសុំការអន្តរាគមន៍ ដែរតែខាងថៅកែបដិសេធមិនជួយទេ និងឲ្យយុវជននោះដោះស្រាយដោយខ្លួនឯងទៅ និងថែមទាំងដាក់ពាក្យបណ្ដឹងយុវជនខាងលើទៀត ព្រោះយុវជនោះបានល្មើសនិងច្បាប់ការងារក្រុមហ៊ុន គេចម៉ោងការងារទៅបើករថយន្តក្រុមហ៊ុនដោយចិត្តឯង បង្កគ្រោះថ្នាក់ហើយមិនព្រមឈប់ដោះស្រាយធ្វើឲ្យប៉ះពាល់ដល់កិត្តិយសក្រុមហ៊ុន។

ក្រោយកើតហេតុយុវជនបើករថយន្ត បង្កត្រូវឃាត់ខ្លួនបណ្ដោះអាសន្ន ចំណែករថយន្ដទាំងពីរគ្រឿង ត្រូវបានសមត្ថកិច្ចជំនាញវាស់វែងយកទៅរក្សាទុកបណ្តោះអាសន្ន នៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយបន្ត៕

មតិយោបល់