ព្រះវិហារៈ នៅថ្ងៃទី២៨ ខែមករា ឆ្នាំ២០២១ កម្លាំងប៉ុស្តិ៍នគរបាលរដ្ឋបាលកំពង់ប្រណាក បានទទួលពាក្យបណ្តឹងពីជនរងគ្រោះ ឈ្មោះ សូ សុខេត ភេទស្រី អាយុ៥៣ឆ្នាំ មុខរបរកសិករ រស់នៅភូមិភារកិច្ច សង្កាត់ប៉ាលហាល ក្រុងព្រះវិហារ ខេត្តព្រះវិហារ ពីករណីចោរកម្ម លួចទ្រព្យសម្បត្តិ កាលពីថ្ងៃទី២៧ ខែមករា ឆ្នាំ២០២១ វេលាម៉ោងប្រហែល០២និង០០នាទី រំលងអធ្រាត្រ នៅចំណុចមន្ទីរពេទ្យបង្អែក១៦មករា ក្នុងភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ (ពេលមកថែកូនសម្រាកពេទ្យ) ។ ដែលបង្កឡើងដោយជនពុំស្គាល់អត្តសញ្ញាណ ។

សម្ភារៈបាត់បង់រួមមានៈ ទូរស័ព្ទដៃ ចំនួន០១គ្រឿង ,ក្រវិលផ្លាទីន ចំនួន០១គូ ទម្ងន់ប្រហែល០១ជី,កាតគ្រីម៉ូតូចំនួន០២ សន្លឹក ,អត្តសញ្ញាណប័ណ្ណសញ្ញាតិខ្មែរចំនួន០២សន្លឹក ,កាតអេធីអឹម ចំនួន០១សន្លឹក ,ប័ណ្ណប.ស.សចំនួន០១សន្លឹក ។
មូលហេតុ៖ បណ្តាលមកពីការធ្វេសប្រហែល ។

ក្រោយពីទទួលបណ្តឹងរបស់ជនរងគ្រោះខាងលើ សមត្ថកិច្ចជំនាញធ្វើការស្រាវជ្រាវ ស៊ើបអង្កេត ឈានទៅឃាត់ខ្លួនបានមុខសញ្ញាចំនួន០២នាក់៖

១-ឈ្មោះ អ៊ី អៀង ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅភូមិភារកិច្ច សង្កាត់ប៉ាលហាល ក្រុងព្រះវិហារ ខេត្តព្រះវិហារ ជាមុខសញ្ញាចាស់ ទើបចេញពីពន្ធនាគារ ពីបទចោរកម្មលួចឈើ នៅក្រុងព្រះវិហារ ជាអ្នកលួច (ប្រើប្រាស់គ្រឿងញៀន) ។

២-ឈ្មោះ ជួន កញ្ញា ហៅបញ្ញា ភេទប្រុស អាយុ២០ឆ្នាំ មុខរបរកម្មករ រស់នៅភូមិគោកបេង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ជាមុខសញ្ញាចាស់ធ្លាប់អប់រំ ពាក់ព័ន្ធករណី ចោរកម្មលួចស្រាតាមរោងការ ជាអ្នកមើលផ្លូវ (ប្រើប្រាស់គ្រឿងញៀន ) ។

វត្ថុតាងដកហូតបានរួមមាន៖ ទូរស័ព្ទដៃ ចំនួន០២គ្រឿង ,ក្រាមពណ៌សថ្លា ចំនួន០១កូនកញ្ចប់តូច , កាតគ្រីម៉ូតូចំនួន០២សន្លឹក អត្តសញ្ញាណប័ណ្ណសញ្ញាតិខ្មែរចំ​នួន០២សន្លឹក កាតអេធីអឹមចំនួន០១សន្លឹក, កាបូបស្ពាយដាក់លុយចំនួន០១ ។

តាមចម្លើយសារភាព មុខសញ្ញាជនសង្ស័យថា ខ្លួនពិតជាបានធ្វើសកម្មភាពលួចទ្រព្យសម្បត្តិខាងលើពិតប្រាកដមែន ។ ក្រោយកើតហេតុ កម្លាំងសមត្ថកិច្ចបានកសាងសំណុំរឿង បញ្ជូនជនសង្ស័យទៅតុលាការ ដើម្បីអនុវត្តន៍តាមនីតិវិធីផ្លូវច្បាប់៕