ផ្ទះ ព័ត៌មានជាតិ ជនសង្ស័យម្នាក...

ជនសង្ស័យម្នាក់ ត្រូវសមត្ថកិច្ចនគរបាលចាប់ឃាត់ខ្លួន ពីបទរំលោភសេពសន្ថវៈ

0

ពោធិ៍សាត់: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា កាលពីថ្ងៃទី ៣១ ខែមករា ឆ្នាំ២០២១​ វេលាម៉ោង​ ១៤និង៥០​ នាទី​ កម្លាំងនគរបាលប៉ុស្តិ៍រដ្ឋបាលអូរសោមបានទទួលបណ្ដឹងពី​ពលរដ្ឋឈ្មោះ សៀក នួន​ ភេទស្រី​ អាយុ​ ២៣​ ឆ្នាំ​ រស់នៅភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់ បានប្តឹង ពីឈ្មោះ ប្រាសាត ណាក់ អាយុ​ ១៥​ឆ្នាំ ស្នាក់នៅជាមួយពូឈ្មោះ​ ខឿន នៅភូមិកៀនជង្រុក ឃុំអូរសោម បានចាប់រំលោភកូនស្រីរបស់គាត់ឈ្មោះ​ ធ ស ណ អាយុ​ ០៧​ ឆ្នាំបានសម្រេច។

តាមការរៀបរាប់របស់ម្តាយជនរងគ្រោះបានប្រាប់ សមត្ថកិច្ចឲ្យដឹងថា កាលពីថ្ងៃទី​ ៣០ខែមករា ឆ្នាំ២០២១​ ម៉ោងជាង​ ៦​ល្ងាច​ កូនស្រីគាត់ស្រែកថាឈឺត្រង់ ប្រដាប់ភេទ ភ្លាមនោះ គាត់ជាម្តាយបានសួរកូនថាម៉េចបានឈឺ
តែក្មេងស្រីជាកូននោះមិនទាន់ប្រាប់ គាត់ទេគាត់ព្យាយាម សួរច្រើនដងទើបកូនស្រីឆ្លើយថាត្រូវ ក្មេងប្រុសឈ្មោះប្រាសាត ណាក់ចាប់រំលោភ។ ហើយគាត់បានសុំកូនមើលប្រដាប់ភេទឃើញមានរលាត់ និងឡើងក្រហម ឃើញដូចនេះគាត់ក៏ទៅប្តឹងសមត្ថកិច្ចប៉ុស្តិ៍នគរបាលរដ្ឋបាលអូរសោមឲ្យជួយចាប់ឃាត់ខ្លួនជនសង្ស័យ។ បច្ចុប្បន្នជនសង្ស័យត្រូវបានបញ្ជូនមកអធិការដ្ឋាននគរបាលស្រុកវាលវែង ដើម្បីចាត់ការតាមនីតិវិធី៕

មតិយោបល់