ផ្ទះ ព័ត៌មានជាតិ បុរស​ម្នាក់​ប...

បុរស​ម្នាក់​បើក​ម៉ូតូ​ ក្នុង​ស្ថានភាព​ស្រវឹង​ ដួល​ខ្លួនឯង​ រង​របួសធ្ងន់​ នៅ​ស្រុក​បរិបូណ៌​

0

​កំពង់ឆ្នាំង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរស​ម្នាក់​ បាន​បើក​ម៉ូតូ​ ក្នុង​ស្ថានភាព​ស្រវឹង​ រួច​ដួល​ខ្លួនឯង​ បណ្តាល​ឲ្យ​រង​របួសធ្ងន់​ កាលពី​នៅ​ថ្ងៃ​ទី​១១​ ខែកុម្ភ:​ ឆ្នាំ​២០២១​ វេលា​ម៉ោង​ ៨​និង​៣០​នាទី​យប់​ នៅ​ចំណុច​ស្ពាន​ឡ​ ស្ថិត​ក្នុងភូមិ​ថ្នល់​ ឃុំ​ពេ​ជ​ចង្វារ​ ស្រុក​បរិបូណ៌​ ខេត្តកំពង់ឆ្នាំង​ ។​

​ជន​រង​គ្រោះ​ឈ្មោះ​ ជឹ​ម​ កុសល់​ ភេទ​ប្រុស​ អាយុ​ ២៥​ឆ្នាំ​ ជនជាតិ​ខ្មែរ​រស់នៅ​ភូមិ​ទឹក​ជ្រាប់​ ឃុំ​ពេ​ជ​ចង្វារ​ ស្រុក​បរិបូណ៌​ ។​

​តាម​របាយការណ៍​បាន​ឲ្យ​ដឹង​ថា​ ជន​រង​គ្រោះ​ខាងលើ​បាន​បើក​ ម៉ូតូ​មួយ​គ្រឿង​ម៉ាក​ Honda​ Dream​ តែ​ម្នាក់ឯង​ក្នុង​ស្ថានភាព​ស្រវឹង​ លុះ​មក​ដល់​ចំណុច​ខាងលើ​ ក៏​បាន​ដួល​ខ្លួនឯង​បណ្ដាល​ឲ្យ​រង​របួសធ្ងន់​ ហើយ​ត្រូវ​បាន​ក្រុម​គ្រួសារ​បញ្ជូន​យក​ទៅ​ព្យាបាល​នៅ​មន្ទីរពេទ្យ​បង្អែក​ស្រុក​បរិបូណ៌​ ៕

មតិយោបល់