ផ្ទះ ព័ត៌មានជាតិ ជនសង្ស័យម្នាក...

ជនសង្ស័យម្នាក់ត្រូវសមត្ថកិច្ចឃាត់ខ្លួន ករណីលួចវាយយកទូរស័ព្ទ ពីស្ត្រីម្នាក់ ពេលលនាងចូលបន្ទប់ទឹកបត់ជើង

0

ភ្នំពេញ: យោងតាមផេកស្នងការដ្ឋាននគរបាលរាជធានីភ្នំពេញបានឲ្យដឹងថា នៅថ្ងៃទី១៧ ខែកុម្ភ: ឆ្នាំ២០២១ សមត្ថកិច្ចប៉ុស្តិ៍នគរបាលរដ្ឋបាល វាលវង់ ឃាត់ខ្លួនជនសង្ស័យម្នាក់ ករណីលួចវាយយកទូរស័ព្ទ នៅចំណុចផ្សារស៊ីធីម៉ល។ ចំណែកជនរងគ្រោះឈ្មោះ វ៉ាន់ លក្ខិណា ភេទស្រី អាយុ៣១ឆ្នាំ មុខរបរ អនាមយ័នៅផ្សារស៊ីធីម៉ល។

ជនសង្ស័យឈ្មោះសុខ តូលី ភេទប្រុស អាយុ២៧ឆ្នាំ មុខរបរ រត់តុនៅច្បារអំពៅ ស្នាក់នៅផ្ទះលេខ៣៧B ផ្លូវ៣២៦ ភូមិ៥ សង្កាត់ផ្សារដើមគរ ខណ្ឌទួលគោក។

សមត្ថកិច្ចបានឲ្យដឹងថា នៅវេលាម៉ោង ១៧:០០នាទី ជនសង្ស័យបានធ្វើសកម្មភាពសំងំលើបង្គន់ នៅក្នុងផ្សារស៊ីធីម៉ល ពេលឃើញជនរងគ្រោះបានចូលក្នុងបន្ទប់ទឹកបត់ជើង ជនសង្ស័យ ក៏បានលោតចូលមកវាយយកទូរស័ព្ទ រួចរត់គេចខ្លួន តែត្រូវសន្តិសុខផ្សារចាប់យកមកទីស្នាក់ការប៉ុស្តិ៍។

ក្រោយពីឃាត់ខ្លួនជនសង្ស័យ បានសារភាពថាកាលពីថ្ងៃ០៨ ខែវិច្ឆិកា ឆ្នាំ២០២០ វេលាម៉ោងប្រហែល ១៣:០០នាទី បានសំងំលើបង្គន់ ឃើញមនុស្សស្រីចូលមកបានច្រវាច់ក រួចយកទូរស័ព្ទបានសម្រាច។

វត្ថុតាងចាប់យក៖ ទូរស័ព្ទ១គ្រឿងម៉ាកអាយហ្វូនអេចផ្លឺស, ម៉ូតូ១គ្រឿង ម៉ាកBeAT ពណ៍ស ក្រហម ពាក់ផ្លាក់លេខ ១HF៩៦៩៥ ភ្នំពេញ, កាបូប១ ពណ៌ខ្មៅ មានអត្តសញ្ញាណ ១សន្លឹក ថតចម្លង​, ទួលណឹវីស១, នាឡិការ១, កូនសោ១ចង្កោម។ ក្រោយកើតហេតុ សមត្ថកិច្ចបានប្រគល់ទូរស័ព្ទ ឲ្យជនរងគ្រោះវិញតាមការស្នើសុំ។

បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាល ខណ្ឌ៧មករា ដើម្បីកសាងសំណុំរឿង ចាត់ការតាមនីតិវិធីច្បាប់៕

មតិយោបល់