ពោធិ៍សាត់: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ក្មេងប្រុសអាយុ៣ឆ្នាំម្នាក់ បានលង់ទឹកស្រះស្លាប់ នៅចំណុចវាលស្រែ ស្ថិតក្នុងភូមិដើមរកា ឃុំខ្នារទទឹង ស្រុកបាកាន ខេត្តពោធិ៍សាត់ កាលពីវេលា១៧និង៣២នាទី ថ្ងៃទី២១ ខែកុម្ភ: ឆ្នាំ២០២១ ។
លោក វ៉ែន ធី អាយុ៣៨ឆ្នាំ បានប្រាប់ឲ្យដឹងថា មុនពេលកើតហេតុ កុមាររងគ្រោះ ឈ្មោះ ធី ពន្លឺ ភេទប្រុស អាយុ៣ឆ្នាំ ត្រូវជាកូនរបស់គាត់តាមបងប្រុសរបស់វាទៅដឹកចំបើងនៅចំណុចវាលស្រែក្បែរផ្ទះ ដោយនៅពីខាងកើតផ្ទះចម្ងាយប្រមាណជា ១០០ម៉ែត្រ មានស្រះទឹកមួយ ខណ: បងប្រុសរបស់វា ឈ្មោះ ធី តុលា អាយុ១៥ឆ្នាំ រវល់ប្រមូលចំបើងនៅក្បែរកន្លែងកើតហេតុ ក្រឡេកមើលទៅឃើញប្អូនប្រុសប្រកាច់ក្នុងស្រះទឹក ក៏រត់ទៅជួយ ស្រង់ពីក្នុងស្រះទឹក លុះមកដល់ផ្ទះ ឪពុកម្តាយរបស់គាត់ បញ្ជូនទៅសង្គ្រោះនៅ មន្ទីរពេទ្យបង្អែកបាកាន ជាអកុសលក្មេងរងគ្រោះបានស្លាប់ទៅ ។
នគរបាលមូលដ្ឋាន និងលោកមេឃុំខ្នារទទឹងបានឲ្យដឹងថា ករណីនៃការស្លាប់របស់កុមាររងគ្រោះរូបនេះ គឺបណ្តាលមកពីឪពុកម្តាយរបស់គេមានការធ្វេសប្រហែស ទើបធ្វើឲ្យកូនរបស់គាត់ស្លាប់បែបនេះ ។ សាកសពក្មេងប្រុសត្រូវបានក្រុមគ្រួសាររៀបចំធ្វើបុណ្យតាមប្រពៃណី ៕
មតិយោបល់