បាត់ដំបង: នៅថ្ងៃទី២៧ ខែកុម្ភ: ឆ្នាំ២០២១ វេលាម៉ោង១២និង២០នាទី អនុវត្តតាមយោបល់ដឹកនាំរបស់លោក ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់របស់ លោកវរសេនីយ៍ឯក លឹម ពុទ្ធីឡា ស្នងការរងផែន ការងារនគរបាលព្រហ្មទ័ណ្ឌ លោកវរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង បានដឹកនាំឃាត់ខ្លួន អ្នកប្រព្រឹត្តល្បែងស៊ីសង (ជល់មាន់) នៅសង្កាត់ចម្ការសំរោង ក្រុងបាត់ដំបង ខេត្តបាត់ដំបង ដោយ ធ្វើការឃាត់ខ្លនមនុស្សចំនួន០៤នាក់ និងសម្ភារ:មានម៉ូតូចំនួន០៥គ្រឿង ស៊ុមដាក់មាន់ចំនួន ០៥ ជញ្ជីងសម្រាប់ថ្លឹងមាន់ចំនួន០១ និងមាន់ជល់ចំនួន០៤ក្បាល ។

នៅក្រោយពេលធ្វើកំណត់ហេតុសាកសួរ សមត្ថកិច្ចបានធ្វើកិច្ចសន្យាអប់រំ ឱ្យបញ្ឈប់សកម្មភាព នេះបន្តទៀត និងបានឱ្យវិលត្រឡប់ទៅសហគមន៍វិញ ៕