ភ្នំពេញៈ ករណីគ្រោះថ្នាក់ចរាចរណ៍មួយដែលកើតឡើងរវាងម៉ូតូ និងរងយន្ត Lexus LX470 បណ្តាលឲ្យរងរបួសត្រូវបញ្ជូនទៅសង្រ្គោះភ្លាមនៅមន្ទីពេទ្យ បង្កការភ្ញាក់ផ្អើលកាលពីវេលាម៉ោង ១០និង៥០នាទីព្រឹក ថ្ងៃទី១០ ខែមីនា ឆ្នាំ២០២១ ស្ថិតនៅតាមបណ្តោយផ្លូវ២០០៤ កែងហ្គារ៉ាសសាំង លីម ឡុង ក្នុងភូមិទ្រុងមាន់ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

តាមប្រភព័ត៌មាននៅទីតាំងកន្លែងកើតហេតុបានឲ្យដឹងថា មុនដំបូងគេបានឃើញរថយន្ត Lexus LX470 ពាក់ស្លាកលេខ នគរបាល 2-0032 ដែលធ្វើដំណើរទិសដៅពីកើតទៅលិច រហូតមកដល់ចំណុចកើតហេតុបានបត់ឆ្វេងឆ្លងផ្លូវ ស្របពេលនោះមានបុរសម្នាក់ ជិះម៉ូតូ ១គ្រឿងម៉ាក សាន់យ៉ាន់ ពាក់ស្លាកលេខ ធ4285 ភព1 បើកបរក្នុងទិសដៅពីលិចទៅកើតស្រាប់តែមកដល់ចំណុចកន្លែងកើតហេតុមិនដឹងវាក់អើ ឬក៏យ៉ាងណា ទើបបណ្តាលឲ្យបុករថយន្តចំហៀងខាងក្រោយផ្នែកខាងស្តាំ និងផ្លោងទៅបុកកញ្ចក់បណ្តាលឲ្យរងរបួស និងបញ្ជូនទៅសង្រ្គោះនៅមន្ទីរពេទ្យភ្លាមៗ។

ក្រោយកើតហេតុសមត្ថកិច្ចមូលដ្ឋាន បានចុះដល់ទីតាំងកន្លែងកើតហេតុ និងរាយការណ៍ទៅភ្នែកជំនាញចរាចរណ៍ខណ្ឌ នៃអធិការរដ្ឋាននគរបាលខណ្ឌសែនសុខ ចុះធ្វើការវាស់វែងយកទៅរក្សាទុក ដើម្បីរង់ចាំការដោះស្រាយគ្នានៅពេលក្រោយ៕