បន្ទាយមានជ័យ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យជាមេខ្យល់ម្នាក់ ក្នុងចំណោមបក្ខពួកម្នាក់ទៀត និងពលករចំនួន១៦នាក់ ក្នុងនោះមានកុមារម្នាក់០១នាក់ ត្រូវបានកម្លាំងសមត្ថកិច្ចនគរបាលនិងយោធា ឃាត់ខ្លួននៅវេលាម៉ោង១១និង៣០នាទីយប់ ថ្ងៃទី១៩ ខែមីនា ឆ្នាំ២០២១ ត្រង់ចំណុចចម្ការស្វាយចន្ទីខាងកើតផ្លូវជាតិលេខ៥៨ ចម្ងាយប្រហែល៥០០០ម៉ែត្រ ស្ថិតក្នុងភូមិសាស្ត្រ ភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ ។
លោកវរសេនីយ៍ឯក ជា ស្លូញ អធិការនគរបាលស្រុកស្វាយចេក បានឲ្យដឹងថា ជនសង្ស័យជាមេខ្យល់មានចំនួន០២នាក់ មានម្នាក់ ឈ្មោះ ពឺន ពេត អាយុ ៣៨ ឆ្នាំមានទីលំនៅភូមិល្បើកស្វាយ ឃុំស្វាយចេក ស្រុកស្វាយចេក បានរត់គេចខ្លួនបាត់ពេលជួបសមត្ថកិច្ច ពេលនាំសមត្ថកិច្ចកំពុងតែស្វែងរកចាប់ខ្លួននិងម្នាក់ទៀត ជាអ្នកដឹកជញ្ជូនពលករតាមគោយន្តកន្ត្រៃឈ្មោះ តេង តុញ ភេទប្រុសអាយុ ២៤ ឆ្នាំមានទីលំនៅភូមិល្បើកស្វាយ ឃុំស្វាយចេក ស្រុកស្វាយចេក ត្រូវបានសមត្ថកិច្ចឃាត់ខ្លួន និងវត្ថុតាងរួមមានគោយន្តកន្ត្រៃ០១គ្រឿង ។
លោកអធិការបានបញ្ជាក់ថា ពលករទាំង១៦នាក់ ស្រីចំនួន០៦នាក់និងកុមារ០១នាក់ ក្នុងនោះមកពីភូមិថ្មពួក ឃុំថ្មពួក ស្រុកថ្មពួកខេត្តបន្ទាយមានជ័យ ចំនួន០៣នាក់,មកពីភូមិក្រសាំង ឃុំបុស្បូវ ស្រុកសំរោង ខេត្តឧត្តរមានជ័យ ចំនួន០៧នាក់,មកពីភូមិព្រៃទទឹង ឃុំភ្នំតូច ស្រុកមង្គលបូរី ខេត្តបន្ទាយមានជ័យ ចំនួន០១នាក់, មកពីភូមិថ្មី ឃុំព្រៃខ្នេស ស្រុកមេសាង ខេត្តព្រៃវែងចំនួន០៥នាក់ ដោយពលករម្នាក់ ត្រូវមេខ្យល់យកតម្លៃ៤.០០០បាត ទៅដល់កន្លែងធ្វើការនៅប្រទេសថៃ ។
បច្ចុប្បន្នមេខ្យល់និងពលករ បានបញ្ជូនមកអធិការដ្ឋាននគរបាលស្រុកស្វាយចេក ដើម្បីសួរនាំ ៕
មតិយោបល់