កណ្តាលៈ នៅវេលាម៉ោង០៦ និង៣០នាទីព្រឹកថ្ងៃទី២៥ ខែមីនា ឆ្នាំ២០២១ មានករណីគ្រោះថ្នាក់ចរាចរណ៍មួយកើតឡើង រវាងរថយន្តនិងម៉ូតូ បណ្ដាលឲ្យស្រ្តី២នាក់ ស្លាប់និងរងរបួស តាមបណ្ដោយផ្លូវជាតិលេខ៣ ចន្លោះគីឡូម៉ែត្រ៣៥-៣៦ ត្រង់ចំណុចភូមិជីមៅ ឃុំត្បែង ស្រុកកណ្ដាលស្ទឹង ខេត្តកណ្ដាល ។

សភាពនៃរឿងហេតុ៖ នៅព្រឹកថ្ងៃកើតហេតុ វេលាម៉ោង០៦និង៣០នាទី មានករណីគ្រោះថ្នាក់ចរាចរណ៍ រវាងរថយន្ត និងម៉ូតូ១លើក ដែលបង្កឡើងដោយរថយន្ត១គ្រឿង (មិនស្គាល់ម៉ាក) បើកបរក្នុងទិសដៅ ពីត្បូងមកជើង ពីតាកែវទៅឆ្ពោះភ្នំពេញ ។ ពេលមកដល់ចំណុចកើតហេតុ បានបុកម៉ូតូ១គ្រឿង ជិះគ្នាពីរនាក់ ម៉ូតូម៉ាកហុងដាឌ្រីមសង់សេ125 ពណ៌ខ្មៅ ស៊េរីឆ្នាំ២០២០ ពាក់ផ្លាកលេខ កណ្ដាល 1AK-4450 អ្នកបើកបរឈ្មោះ មុំ ស្រីមាន ភេទស្រី អាយុ៣៣ឆ្នាំ រងរបួសស្រាល មានអ្នករួមដំណើរជាមួយម្នាក់ឈ្មោះ ស្រូយ ស្រីហ៊ុន ភេទស្រី អាយុ៤៣ឆ្នាំ បានស្លាប់ ក្រោយពេលបញ្ជូនដល់មន្ទីរពេទ្យ ។ទាំង២នាក់ មានទីលំនៅភូមិតាដោលទី១ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល ។ បើកបរក្នុងទិសដៅស្របទិសគ្នា ។

ចំពោះសាកសពជនរងគ្រោះ ត្រូវបានកម្លាំងជំនាញ ប្រគល់ជូនសាច់ញាតិបងប្អូន យកទៅធ្វើបុណ្យតាមប្រពៃណី ។ ចំណែកវត្ថុតាងបានយកទៅរក្សាទុក នៅអធិការរដ្ឋានជាបណ្ដោះអាសន្ន ៕