ផ្ទះ ព័ត៌មានជាតិ ត្រាក់ទ័រ​ស៊ី...

ត្រាក់ទ័រ​ស៊ីឈ្នួលភ្ជួរ​ដី១គ្រឿង​ កិន​ចំ​មីនតោនផ្ទុះ​ បណ្តាលឲ្យបុរសម្នាក់​របួសធ្ងន់​

0

​ប៉ៃលិន: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា​ បុរស​ម្នាក់​ជា​អ្នកបើកបរ​ត្រាក់ទ័រ​ភ្ជួរ​ដី​បាន​រង​របួសធ្ងន់​ ដោយសារ​កិន​ចំ​មីនតោន​បណ្តាល​ឲ្យ​ផ្ទុះ​ នៅ​ភូមិ​ភ្នំ​ស្ពង់​ ឃុំ​សាលា​ក្រៅ​ ស្រុក​សាលា​ក្រៅ​ ខេត្ត​ប៉ៃលិន​ នៅថ្ងៃ​ទី​០៣​ ខែមេសា​ ឆ្នាំ​២០២១​ ។​

​ជន​រង​គ្រោះ​មានឈ្មោះ​ ប៊​ន​ ខ្លឹម​ ភេទ​ប្រុស​ អាយុ​៣១​ឆ្នាំ​ មុខរបរ​កសិករ​ រស់នៅ​ភូមិ​អូរ​រអិល​ ឃុំ​ស្ទឹង​កាច់​ ស្រុក​សាលា​ក្រៅ​ ខេត្ត​ប៉ៃលិន​ (​ម្ចាស់​ត្រាក់ទ័រ​ របួសធ្ងន់​)​ ស៊ីឈ្នួលភ្ជួរ​ដី​ឲ្យ​ឈ្មោះ​ រ៉េ​ ភេទ​ប្រុស​ អាយុ​ប្រហែល​៤៨​ឆ្នាំ​ មុខរបរ​ពេទ្យ​ នៅ​ភូមិ​ទួល​ល្វា​ សង្កាត់​ប៉ៃលិន​ ក្រុងប៉ៃលិន​ ខេត្ត​ប៉ៃលិន​ ។​

​បន្ទាប់​ពី​កើតហេតុ​ កម្លាំង​សមត្ថកិច្ច​ សហការ​ជាមួយ​កម្លាំង​ប៉ុស្ដិ៍​នគរបាល​រដ្ឋបាល​សាលា​ក្រៅ​ ចុះ​ពិនិត្យ​កន្លែង​កើតហេតុ​ ពិតជា​គ្រាប់​មីន​បន្សល់​ទុក​ពី​សម័យ​សង្គ្រាម​ពិតប្រាកដ​មែន​ ។​

​បច្ចុប្បន្ន​ ជន​រង​គ្រោះ​ត្រូវ​បាន​សាច់ញាតិ​បញ្ជូន​ទៅ​មន្ទីរពេទ្យ​បង្អែក​ខេត្ត​ប៉ៃលិន​ ៕

មតិយោបល់