ផ្ទះ ព័ត៌មានជាតិ ករណីឆ្លង​ចរន្...

ករណីឆ្លង​ចរន្តអគ្គិសនី​ឆាបឆេះ​ផ្ទះមួយ​ខ្នង​ នៅ​ស្រុក​សូទ្រនិគម​

0

សៀមរាប: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា អគ្គិ​ភ័យ​បាន​ឆាបឆេះ​ផ្ទះ​ប្រជាពលរដ្ឋ​មួយ​ខ្នង​ទាំងស្រុង​នៅ​ស្រុក​សូទ្រនិគម​ ខេត្តសៀមរាប​ បណ្តាល​មក​ការ​ឆ្លង​ចរន្តអគ្គិសនី​ ។​

​ហេតុការណ៍​នេះ​កើតឡើង​នៅ​វេលា​ម៉ោង​២២​ និង​៣០​នាទី​ ត្រូវ​នឹង​ថ្ងៃ​ទី​០៣​ ខែមេសា​ ឆ្នាំ​២០២១​ មាន​ករណី​អគ្គិភ័យ​ឆាបឆេះ​ផ្ទះ​ ០១​ខ្នង​ នៅ​ចំណុច​ភូមិ​ត្រពាំង​ព្រៃ​ ឃុំ​កៀន​សង្កែ​ ស្រុក​សូទ្រនិគម​ ខេត្តសៀមរាប​ ។​

​លោក​វរសេនីយ៍ឯក​ ទេព​ ចាន់​ណា​ អធិការ​នៃ​អធិការដ្ឋាន​នគរបាល​ស្រុក​សូទ្រនិគម​ បានឲ្យ​ដឹង​ថា​ មាន​ករណី​ឆ្លង​ចរន្តអគ្គិសនី​ឆាបឆេះ​ផ្ទះ​ប្រជាពលរដ្ឋ​ ម្ចាស់ផ្ទះ​ឈ្មោះ​ ជា​ ទូ​ ភេទ​ប្រុស​ អាយុ​៥៥​ឆ្នាំ​ ទីលំនៅ​បច្ចុប្បន្ន​ភូមិ​ ឃុំ​កើតហេតុ​ខាងលើ​ បណ្តាល​ឲ្យ​ខូចខាត​ផ្ទះ​ឈើ​ចំនួន​ ០១​ខ្នង​ ទំហំ​ ៧​ ម៉ែត្រ​ x​ ៩​ម៉ែត្រ​ ជញ្ជាំង​ក្ដារ​ ប្រក់​ក្បឿង​ (​ខូចខាត​ទាំងស្រុង​)​ ខូចខាត​ស្រូវ​ នៅ​ខាងក្រោម​ផ្ទះ​ ៣០​តោន​ លុយ​មួយ​ចំនួន​ ឯកសារ​អត្រានុកូលដ្ឋាន​ និង​របស់​ប្រើប្រាស់​ទាំងស្រុង​ក្នុងផ្ទះ​ តែ​មិន​បណ្ដាល​ឲ្យ​រង​របួស​មនុស្ស​ទេ​ ។​

​ក្នុង​ប្រតិបត្តិការ​ជួយ​សង្គ្រោះ​ កម្លាំង​នៃ​អធិការដ្ឋាន​ ផ្នែក​សណ្ដាប់ធ្នាប់​ កម្លាំង​ប៉ុស្ដិ៍​កៀន​សង្កែ​ និង​ប្រជា​ការពារ​ សរុប​ ១២​នាក់​ ប្រើប្រាស់​រថយន្ត​ពន្លត់អគ្គិភ័យ​អធិការដ្ឋាន​នគរបាល​ស្រុក​សូទ្រនិគម​ចំនួន​ ០១​គ្រឿង​ ប្រើប្រាស់​ទឹក​អស់​ចំនួន​ ០២​ឡាន​ ទើប​ភ្លើង​រលត់​ទាំងស្រុង​នៅ​វេលា​ម៉ោង​ ២៣​ និង​៣០​នាទី​ថ្ងៃ​ដដែល​ ៕

មតិយោបល់