មានហេតុការណ៍ដ៏គួរឱ្យភ្ញាក់ផ្អើលមួយបានកើតឡើងនៅក្នុងយប់ទី៣នៃការដាក់បំរាមគោចរ ខណៈដែលមានករណីស្ត្រីមានផ្ទៃពោះម្នាក់ត្រូវបានម៉ូតូឌុបទំលាក់ចោលតាមផ្លូវ៊។ហើយនៅពេលដែលទាក់ទងទៅប្តីឱ្យមកទទួល បែរជាប្តីមិនព្រមមកទទួលប្រពន្ធទៀត ដោយសារតែខ្លាចសមត្ថកិច្ចចាប់ម៉ូតូ បើទោះបីជាសមត្ថកិច្ចជាអ្នកប្រាប់ឱ្យមកទទួលយ៉ាងណាក៏ដោយនេះបើយោងតាមការបង្ហោះសាររបស់លោក ហួរ ហួត នាយករដ្ឋបាលសាលាខណ្ឌទួលគោកនៅលើគណនីរបស់គាត់។
ខាងក្រោមនេះជាខ្លឹមសារទាំងស្រុងដែលគាត់បានបង្ហោះ៖
រាត្រីនេះខ្ញុំមានរឿងដ៏ហួសចិត្តមួយចង់ចែករំលែកជូនបងប្អូនជ្រាបជាបទពិសោធន៍។
ក្នុងពេលកំពង់អនុវត្តវិធានការរដ្ឋបាលចំពោះអ្នកធ្វើដំណើរនៅរាត្រីថ្ងៃទី០៣.០៤.២០២១នេះ បងស្រីម្នាក់នេះមានផ្ទៃពោះជិត៧ខែបានធ្វើដំណើរដោយម៉ូតូឌុប តែត្រូវបានម៉ូតូឌុបទំលាក់ចោលដោយខ្លាចកំលាំងចាប់ម៉ូតូ។មកដល់គោលដៅត្រួតពិនិត្យខ្ញុំបានណែនាំសម្របសម្រួលអោយប្តីគាត់មកទទួល តែលោកប្តីថាមិនហ៊ានទៅទេខ្លាចប៉ូលីសចាប់ម៉ូតូដែរ។
ចង់សួរថា៖តើលោកប្តីខ្លាចប៉ូលីសពេករហូតទុកអោយប្រពន្ធពោះធំដើររហូតរាប់សិបគីឡូម៉ែត្រមែនឬ?? កំលាំងគណះបញ្ជាការឯកភាពត្រួតពិនិត្យតាមគោលដៅមិនមែនតឹងរឹង មុឺងម៉ាត់រហូតមិនយល់ហេតុផលនោះទេ។
ដូចនេះខ្ញុំក៏បានសម្របសម្រួលអោយមានការដឹកជញ្ជូនបងស្រីទៅផ្ទះដោយPassappតែម្តង។
អត្តបទលោក ហួរ ហួត នាយករដ្ឋបាលខណ្ឌទួលគោក!
មតិយោបល់