ផ្ទះ ព័ត៌មានជាតិ នគរបាលឃាត់ខ្ល...

នគរបាលឃាត់ខ្លួនជនសង្ស័យម្នាក់ ពាក់ព័ន្ធករណីឆក់ នៅស្រុកកណ្ដាលស្ទឹង

0

កណ្ដាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ជនសង្ស័យ​ម្នាក់​ពាក់ព័ន្ធ​ករណី​ឆក់​ទូរស័ព្ទ​ ត្រូវ​បាន​សមត្ថកិច្ច​នគរបាល​ស្រុក​កណ្តាលស្ទឹង​ស្រាវជ្រាវ​ឃាត់ខ្លួន​ បន្ទាប់​ពី​ធ្វើ​សកម្មភាព​នៅ​ចំណុច​ភូមិ​ព្រែក​អ​ង្គុ​ញ​ ឃុំ​សៀមរាប​ ស្រុក​កណ្តាលស្ទឹង​ ខេត្តកណ្តាល​ ថ្ងៃ​ទី​០៦​ ខែមេសា​ ឆ្នាំ​២០២១​ វេលា​ម៉ោង​២០​និង​២០​នាទី​ ។​

​ជន​រង​គ្រោះ​ឈ្មោះ​ ប៉ុ​ម​ សំនៀង​ ភេទ​ស្រី​ អាយុ ​១៨​ឆ្នាំ​ ជនជាតិ​ ខ្មែរ​ មុខរបរ​កម្ម​ការ​នី​ រោងចក្រ​ស្នាក់​នៅ​ ផ្ទះ​ជួល​ភូមិ​ជ័យ​ជំនះ​ ឃុំ​សៀមរាប​ ស្រុក​កណ្តាលស្ទឹង​ ខេត្ត​កណ្តាល​ ។​
​ជនសង្ស័យ​០២​នាក់​មានឈ្មោះ​ ប៉ាន់​ ពៅ​ ហៅ​ និ​ត​ ភេទ​ប្រុស​ អាយុ​ ២២​ឆ្នាំ​ មុខរបរ​ មិន​ពិតប្រាកដ​ ទីលំនៅ​បច្ចុប្បន្ន​ភូមិ​ អំពៅព្រៃ​ទី​២​ ឃុំ​អំពៅព្រៃ​ ស្រុក​កណ្តាល​ស្ទឹង​ ខេត្តកណ្តាល​ ត្រូវ​បាន​ឃាត់ខ្លួន​ និង​ម្នាក់​ទៀត​រត់គេច​ខ្លួន​មានឈ្មោះ​ ផា​ន​ សុខ​ វ៉េ​ង​ ភេទ​ប្រុស​ អាយុ​ ២៩​ឆ្នាំ​ មាន​ទីលំនៅ​ ភូមិ​អំពៅព្រៃ​ទី​២​ ឃុំ​អំពៅព្រៃ​ ស្រុក​កណ្តាល​ស្ទឹង​ ខេត្តកណ្តាល​ មុខរបរ​មិន​ពិតប្រាកដ​ធ្លាប់​ជាប់ពន្ធ​នា​​គារ​ខេត្តកណ្ដាល​រយ:​ ពេល​៦​ខែ​ ពី​បទ​ ធ្វើ​ឲ្យ​ខូចខាត​ដោយ​ចេតនា​ ។​

​វត្ថុ​តាង​ចាប់​យក​ -​ម៉ូតូ​ម៉ាក​ Honda​ scoopy​ ពណ៌​ ក្រហម​០១​គ្រឿង​ ស៊េរី​ ២០១២​ ពាក់​ស្លាក​លេខ​ ភ្នំពេញ​ 1​BK1132​ ។​ ចំណែក​សម្ភារ:​បាត់បង់​មាន​ទូរស័ព្ទ​ដៃ​ម៉ាក​ HuaWei​ ពណ៌​ ខ្មៅ​០១​គ្រឿង​ ។​

​បច្ចុប្បន្ន​ ជនសង្ស័យ​រួម​នឹង​វត្ថុ​តាង​ កម្លាំង​ជំនាញ​កសាង​សំណុំរឿង​បញ្ជូន​អនុវត្ត​បន្ត​តាម​នីតិវិធី​ ៕

មតិយោបល់